رواية بقلم نانسي أشرف كاملة

_ شيرين ؟ 
_ لأ للأسف الرقم غلط 
_ طب مريم ؟ 
_ لأ بردو الرقم غلط 
_ طب إسراء 
_ اممم أي حاجة فيها الروح وكدا ؟  
_ بصي ... أياً كان اسمك انا عايز أقولك أني هنتحر قولي لماما في جبنة رودس بالرومي جديدة في التلاجة اقسم بالله الي هيمد ايده عليها لاطلعله 
_ ما شاء الله في تطور في المحتوى .. حركة جديدة دي ؟ 
_ لا خالص

سمعت صوت مسدج، فتحت الواتساب وشھقت وأنا شيفاه واقف فوق مبنى أقل حاجة خمستاشر دور!

_ أنت مجڼون !!!!!!! 
_ تؤ

وبعت فيديو و هو بيحرك رجليه في الهوا و بيبتسم

_ لا دا مش چنان .. انت سيكوباتي 
_ بغض النظر اني مش عارف معناها بس شكلها حاجة رايقة .. تسلمي يا أختي 
_ أنت عبيط! ايه الي مقعدك عندك ! انزل 
_ لأ .. عاوز أحكيلك حكايتشي 
_ حكايتشك؟ 
_ اممم حكايتشي 
_ ليه! 
_ عشان أخلد ذكرايا في الاذهان والناس متنسانيش

قلبي وجعني لثواني لثواني قبل ما الاقيه بيضحك

_ لا طبعاً بهزر .. بصراحة كدا .. كنت شاري كارت فكة فقولت استخدمه قبل ما lمۏټ و كدا كدا هيخلص على الساعة اتناشر 
_ فضړبت اي رقم بقا وعلى الله 

اتنهد وسمعت صوت وكأنه بيقعد

_ أنا اسمي عز في رابعة هندسة لا تكوني فاهمة اني بني ادم عادي ولا حاجة 
_ امممم ابتدينا 
_ في سنة أولى حبيت بنت اسمها شيرين ... يااااه يا شيرين 
_ للدرجادي كنت بتحبها ؟ 
_ بحبها ايه ... دي كانت عيلة لازقة انا مشيت الدنيا معاها عشان كانت دحيحة 
_ اممم 
_ وفي سنة تانية حبيت مريم .. ياااااه يا مريم 
_ للدرجادي كنت بتحبها 
_ دي بقا كنت خطڤتها من واحد صاحبي عشان شيلني في البلاي استيشن
_ انت ازاي نتن كدا 
_ وفي سنة تالتة حبيت إسراء 
_ يااااااه يا إسراء 
_ للدرجادي حبتيها ؟