رواية خطى المشاعر من الفصل السادس إلى الفصل العاشر

آني نازل قريب يا صاحبي اشوفك بخير ان شاء الله
______________________
وردة ازيكم يا بنات عاملين ايه وحشتوني قوي
اميرة بفرحة وردة حبيبتي وحشتيني حمدلله علي سلامتك
اماني حمدلله علي سلامتك يا حبيبتي اخبار الحاچة أيه دلوك انشاله زينة
........ الحمد لله بقت ذي الفل مقدرتش اتحرك من حداها إلا لما اطمنت انها اتحسنت وبقت ذي الفل أنتوا عارفين آني معنديش غير الولدين وصغيرين مهيساعدوش في شي
اميرة الحمد لله انها اتحسنت ربنا يباركلك فيها ويتم الشفا علي خير
....... اللهم امين بقولكم ايه يا بنات حد منكم معاه محاضرات علم الاچتماع
...... انتي ملقتيش غير علم الإچتماع وتسألني عنيه انتي ممكن تلاقي كل المحاضرات إلا المحاضرات دي ده الداكتور رخم واحنا من وقت ما انتي بطلتي تآچي ملقينش حد نآخدوا منيه المحاضرات دوري انتي ودوريلنا وياكي ينوبك فينا ثواب ما انتي عارفه محدش بيرتب فينا غيرك كلاتنا خيبانين بيچيبوا چيد ببركة دعا الوالدين
بإبتسامة هادئة مچانين والله طيب هروح اشوف حد من الولد وامري لله
........ ربنا وياكي يا خيتي احنا مستنظرينك هنه
وردة ماشي هروح اشوف حد وارچعلكم
....... مساء الخير يا مسعد
مسعد اهلا وردة مساء النور اخبارك ايه انتي من زمان غايبه ليه أكده 
....... الحمد لله انا بخير والدتي كانت تعبانه شوي وكانت قاعدة چارها لحد ما قدرت تقف علي رچلها من تاني
....... سلامتها ألف سلامة طيب محتاچة لشي أساعدك في أي شي قولي متتكسفيش
...... الصراحة محتاچة محاضرات علم الاچتماع الأخيرة وسألت البنات قالولي مكناش بنحضروا انت عارف ان الداكتور رخم ومحدش بيطيق يحضرله انت متعرفش مين كشكول محاضراته كامل
......... ذي ما بتقولي اكده الداكتور رخم ومحدش بيحب يحضر محاضراته مفيش غير إبراهيم هو الوحيد اللي ملتزم وبيحضر كل المحاضرات ما انتي عرفاه ده من الاوائل علي الدفعه التلات سنين اللي عدوا عموما آني هشوفلك المحاضرات وهچيبلك الكشكول تنقليه وترچعيه ليا وآني هرچع ارچعهوله انتي عارفه انه مبيتعاملش مع البنات
......... طيب خلاص ماشي وآني ان شاء الله مهطولش هنقلهم بسرعه وهرچعلك الكشكول طوالي
......... خلاص استنيني بكره هنه بعد المحاضرة الاولي وهيكون معاي الكشكول بإذن الله تعالي
 ماشي شكرا يا مسعد كتر خيرك ومعلش هتعبك معاي
 لاه يا وردة أحنا اخوات متقوليش اكده والله احنا قصرنا في حقك بس محدش كان عارف ان الوالدة مريضة
 لا ولا يهمك هيا الحمد لله اتحسنت وعموما انت بتعمل الواچب معاي وزيادة كمان يالا سلامو عليكو هستناك بكره ان شاء الله هنه
 ان شاء الله بالسلامة
مسعد يا زين مشوفتش ابراهيم النهاردة
. لاه شوفته كان رايح حدا المدرچ في الدور التاني
طيب ماشي آني طالع اشوفه وراچع متمشوش
 طيب ماشي هنستنوك هنه
ترك مسعد اصدقاؤه وصعد للدور الثاني يبحث عن ابراهيم ولكنه لم يعثر عليه فسأل عنه احد اصدقاؤه فأخبره انه توجه للفور للمكتبة لينتهي من البحث المطلوب تسليمه نهاية الاسبوع الحالي فتوجه له علي الفور
مسعد يا عم ابراهيم دوختني وراك من المدرچ ديه للقاعة دي للمكتبة
ضحك ابراهيم عاوز اخلص البحث المطلوب انت عارف آخر معاد للتسليم نهاية الاسبوع ولسه قدامي كذا نقطة مخلصوش
 يا عم احنا كفاية علينا نشتروه من المكتبة اللي قدام الكلية متصور ونكتبوا اسامينا ونسلمه وحلو قوي اكده وكفي الله المؤمنين شړ الدكاتره واللي هيآچي من حداهم
 بس انت عارف آني مهعملش اكده آني بكتب ابحاثي بنفسي لچل ما ربنا يباركلي في مچهودي
. الصراحة ف دي انت عنديك حق كلاتنا مقصرين بس انت عارف الارض والزرع والشغل اللي مهيخلصش يالا كفاية علينا التقدير الشعبي انا راضي الحمد لله بس اخلص دراسة وآخد الشهادة واسيب الچامعه بقي واشوف حالي
 ربنا معاك خير بقي انت كنت بتدور علي ليه 
لاه مفيش بس كنت محتاچ كشكول محاضرات علم الاچتماع انت طبعا عارف انك الوحيد اللي هتحضر للداكتور وآني بقالي فترة مهحضرش وعاوز ألم حالي فيها
 طيب شوف الكشكول ديه في كل المواد آني مقسمه يعني هتلاقي فيه كل حاچه بس اوعاك تأخره علي لولاك انت غالي علي مكنتش اديتلك الكشكول آني مهقدرش افرط فيه وقت طويل لاني بذاكر منيه فقدامك بس يومين تخلصه وترچعه اكون خلصت البحث
 ماشي يا امير يا ابن الامرا مهتأخرش عليك يومين وهرچعهولك ان شاء الله
عبد الكريم يا عامر يا ولدي شيع لمنصور وبدر يآچوا وتعالوا علي المكتب بسرعة
عامر حاضر يا بوي حالا اهه بس يآچوا وهچيبهم علي المكتب
بعد ربع ساعة حضر بدر واجتمعوا مع عبد الكريم في المكتب
عبد الكريم ان شاء الله من العشية تدبحوا الخمس عچول ومعاوزش بيت في البلد ميوصلهوش منابه سواء فقير او غني ومتنسوش الچوامع والكنايس اللي قبلي البلد كل الناس لازم تفرح ويانا
بدر حاضر يا عمي كل اللي امرت بيه هيتنفذ ذي ما انت عاوز متقلقش من شي
منصور متقلقش يا عمي كل شي