رواية خطى المشاعر

من الفصل الواحد والعشرين إلى الفصل الخامس والعشرين
وصلت وردة للجامعه وبدأت رحلة البحث عن ابراهيم الي أن عثرت عليه جالسا في المكتبة فأقتربت منه قائله السلام عليكم
رفع ابراهيم رأسه متأملا في وجهها ثم تلفت حوله قائلا هو حضرتك بتكلمي مين آني مشايفش حد هنه غيري
وردة أأأاااايوه آني بكلمك انت
ابراهيم هو حضرتك تعرفيني اقصد خير في شي 
قدمت وردة دفتر المحاضرات له قائله بتردد اتفضل الامانه دي كلفني بيها مسعد أني اوصلهالك
ابراهيم بحنق وقد اختطف من يدها الدفتر إيه ديه كشكولي ازاي مسعد يسيبه وياكي وازاي يأمنك عليه عموما آني ليا كلام وياه

وردة آني .....
قاطعها ابراهيم قائلا خلاص يا آنسه متشكر مش وصلتي الامانه تقدري تتفضلي متعطليش نفسك
وردة بحزن لا مفيش عطلة ولا حاجة وكمان مفيش شكر بين الزملاء بعد اذنك
تركته وانصرفت من امامه وعادت من حيث أتت
زفر ابراهيم بحنق اكيد مسعد اتچن ف عقله يبعتلي بت بالكشكول لحد هنه بس اما اشوفك قدامي يا مسعد آني ليا تصريف تاني وياك
______________________
هشام الچميل اخباره ايه دلوك 
همسه أنا بخير حبيبي الحمد لله اطمن الدوا ريحني ومعدتي ارتاحت شويه
هشام طيب يالا يا قمر نامي وارتاحي وبكره نروحوا نطمنوا من الداكتور ونشوفوا هيقول إيه
همسه بدلال بس أنا مش عاوزه انام دلوقت لسه بدري وبعدين انا زعلانه منك اوي
هشام بفزع واه القمر زعلان طيب ليه زعلانه آني زعلتك ف شي 
همسه اسندت رأسها الي صدره وتشبثت بجلبابه قائله ايوه انت من زمان مش قولتلي شعر ماما كانت دايما تحكيلي ان بابا علي طول بيقولها شعر وبيكتبهولها كمان وأنا عارفه انك بتكتب ذيه بس مش بتكتب فيا انا وانا زعلانه
هشام لاه لاه متزعليش يا همستي هقولك احلي شعر في احلي همسه
أريحيني علي صدرك
لأني متعب مثلك
دعي اسمي وعنواني وماذا كنت
سنين العمر ټخنقها دروب الصمت
وجئت إليك لا ادري لماذا جئت
فخلف الباب أمطار تطاردني
شتاء قاتم الانفاس ېخنقني
وأقدام بلون الليل تسحقني
وليس لدي أحباب
ولا بيت ليؤويني من الطوفان
وجئت إليك تحملني
رياح الشك للإيمان
فهل ارتاح بعض الوقت في عينيك
أم أمضي مع الاحزان
همسه بعد الشړ عليك من الاحزان يا نور العين ربنا ما يجيب احزان
هشام بإبتسامة خادعة خلاص يبقي نرتاحوا چوا عيون همسه أچمل عيون بنات الكون حورية سقطت من الچنة وسكنت قلبي آااااه يا قلبي هاتي يدك أكده
همسه بقلق حبيبي سلامتك انت تعبان 
همس لها طيب ازاي اللي يشوف العيون دي يتعب متقلقيش علي بس آني مشتاق لقلبك ضميني لچل ما ارتاح وانام
ضحكت همسه قائله طيب ما كنت تقول كده من الاول لازم تخضني عليك تعالي جوا حضن همسه ونام يا قلبي
اغلق هشام ضوء المصباح وعم السكون ارجاء الغرفة واستسلم هشام للخلود للنوم بين ذراعيها حتي الصباح
_______________________
ابراهيم في غرفته يتحدث لمسعد عبر الهاتف كيف يعني تآخد مني الكشكول وتبعتهولي من بت هما الولاد قطعوا اياك ولا قطعوا 
مسعد يا ابراهيم يا خوي اهدي شوي انت عارف ان ابوي تعبان من فترة كبيرة وبيأچل كل شوي السفر لمصر مسك فيا المره دي وصمم اروح وياه نسلموا الزرع وبعد اكده نروحوا المستشفي نعملوا الفحوصات بتاعته وبالصدفه لقيت وردة قدامي فطلبت منيها توصله لحد عنديك ايه اللي حوصل يا خوي مش كتر خيرها
ابراهيم يا سيدي كتر خيرها بس انت عارف اني مليش تعامل معاهم
مسعد هي البت قلة ادبها وياك أو عملت حاچة ضايقتك 
ابراهيم الصراحه لاه البت چت بكل احترام وسلمتني الكشكول ومشيت وآني كنت متعصب وشكلها اتضايقت مني
مسعد طيب يا خوي ينفع ابراهيم ابن الاصول يعامل بت چت لحد عنديه بالطريقه دي الصراحه بقي انت محقوق لها ولازمن تطيب خاطرها
ابراهيم بحنق اطيب خاطرها لاه مليش آني في الموضوع ديه
مسعد ليه مليكش ما تتعلم وفيها ايه دي روح واتحدت وياها كلمتين وقولها مكنتش تقصد تضايقها وخلاص
ابراهيم طيب اما اشوف يالا بقي هروح انام عندينا محاضره مهمه بكره الصبح سلام
____________________
الطبيب اتفضلي استاذه همسه في غرفة الكشف لازم نطمن ذي ما قولت لحضرتك
هشام هو حضرتك شاكك في حاجه يا داكتور 
الطبيب لا ان شاء الله كل خير حضرتك قلقان ليه أكده مفيش حاجه تقلق
اتفضلي حضرتك
دلفت لغرفة الكشف ومعها هشام وبدأ الطبيب اجراءات الفحص واذا بإبتسامة هادئة ترتسم علي وجهه إلتفت ينظر لهشام قائلا مبروك المدام حامل ذي ما توقعت والسونار بيقول تلات اسابيع بس لازم نحافظ بقي علي نفسنا
هشام بسعادة الحمد لله اللهم لك الحمد والشكر يارب
ادمعت همسه قائله يعني أنا حامل بجد وهجيب ادهم
الطبيب ان شاء الله يكون ادهم بس نلتزم بالتعليمات ونسمع الكلام الحركة الكتير لاه الغذاا والڨيتامينات والفاكهه الكتير والزعل ممنوع
هشام حاضر يا داكتور ان شاء الله كل اللي هتقول عليه هنعمله
عاد الطائرين لعشهم السعيد يحلقون في الفضاء لا تستطيع ارجلهم ملامسة الارض
دلفوا إلي الڤيلا تملأ وجوههم السعادة
هشام ياما يا مرت خال يا چدتي تعالوااا