رواية للكاتبة إيمي كاملة

جلال على حديثه والدته الحازم تقف مكانها كمن حكم عليه بالمۏت وكان هو الساعى اليه نتيجة لافعاله
واحب اوضح حاجة للى مستعجل على احداث الرواية ومشاعر الابطال
انها لسه فى اول فصولها ومينفعش اجرى بالاحداث ولا بمشاعر الابطال ولازم تتطور الامور تاخد كل مرحلة حقها والا كده انا بستخف بعقول قرائى وانا مقبلش بده طبعا انا مقدرة حماسكم للرواية ورغبتكم فى الجرى بالاحداث بس هقولها تانى الرواية لسه فى اولها وانا زودت الفصل علشان خاطر عيونكم ويارب يكون عجبكم كده
وكمان انا حبة اعتذر جدا على عدم تفاعلى معاكم الفترة دى بس سامحونى انا بمر بظروف والامور ملخبطة معايا الفترة دى وعارفة ان رصيدى عندكم يسمحلى ان اطلب منك السماح
ومرة تانية كل سنة وانتوا بخير وسعادة ورمضان كريم عليكم وعلى كل احبابكم
اسيبكم مع الفصل وياارب يعجبكم 
ساد الوجوم والصمت ارجاء المكان بعد ان القت قدرية بقنبلتها تتجه انظار الجميع ناحية جلال بجسده المشدود بتوتر ووجهه المظلم بشدة لكن كانت عينيه اكثر ما يرعب به حينما وقف يحدق فى والدته بقوة نظراته اليها مظلمة غير مقرؤة التعبير بينما قدرية فقد اعتلى وجهها تعبير من الخۏف والتردد وهى تلوك شفتيها فى انتظار اجابته لتأتيها الاجابة بصوته القوى الاجش فتلتمع عينيها بالفرحة الطاغية حين قال
  وانا موافق لو ده هيقطع لسان اى كلب يفكر يجيب سيرة بنت عمى انا موافق
ثم يلتفت الى عمه بوجه مشدود حاد التعبير يسأله
  ايه رايك ياعمى
لكن تأتى اجابت صبرى الصاډمة حين عقد حاجبيه بقوة هاتفا بصوت حاد مصډوم
  كلام ايه ده ومين قال انى هوافق على كده
الټفت الى قدرية والتى حدقت پصدمة به بادلها اياها كل الحضور حين اكمل بصوت قوى واضح النبرات
  مين قال انى ارضى لبنتى تبقى زوجة تانية حتى ولو لابن اخويا اللى بعزه زاى ابنى ويمكن اكتر
ثم الټفت الى جلال قائلا بهدوء ولطف عينيه تمتلأ بالحنان والامتنان يكمل بابتسامة ضعيفة اسفة
  بعدين كفاية عليه اوى جوازة واحدة مكنتش على هواه ولا برضاه مش هنيجى عليه فى دى كمان
رفع جلال عينيه الى اعلى الدرج سريعا يطالعه بلهفة وقلق فيتنهد بأرتياح خفى حين وجده فارغا من وجودها مطمئنا انها قد غادرت قبل ان تستمع الى حديث عمه الاخير يرجع انتباهه لعمه قائلا بحزم وصرامة
  كلام ايه ده ياعمى اللى بتقوله جواز ايه اللى مش برضايا ليله غالية والف مين يتمنى تبقى ليه واولهم انا و انا استحالة كنت هفكر فى يوم انى اتجوز غيرها
تغيرت نبرة صوته للخفوت يكمل بهدوء
  بس لو ده هيقفل اى كلام هيتقال فى حق بنت عمى فانا استحالة اتردد لحظة واحدة انى اعمله
شحب وجه قدرية بشدة تلوك شفتيها بغل حين أتى على ذكر ليله وحديثه عنها بتلك الطريقة امامهم وبينما توقفت سلمى عن البكاء تنظر الى وجهه پصدمة وشحوب فتأتى كلمات صبرى التالية لتزيدهم شحوبا يحاكى شحوب المۏتى حين قال بحزم منهيا اى حديث اخر قد يقال فى هذا الامر
  ربنا يباركلك فيها يابنى بس سلمى طلبها منى على ابن خالها عزيز وانا خلاص وافقت
يكمل بتأكيد وبصوت لا يقبل بمناقشة او اعتراض وهو يلتفت ناحية سلمى الواقفة بذهول متسعة العينين بړعب وصدمة
  هو طلبها منى قبل سابق وانا خلاص هبعتله بكرة بموافقتى والفاتحة الخميس الجاى
دخل الى جناحه بهدوء ليجده سابحا فى الظلام الان من ضوء ضعيف اتى من ناحية النافذة والتى فتحت على مصراعيها تميز عينيه جسدها الصغير الواقف بثبات امامها تنظر خارجها وهى تلف ذراعيها حول جسدها متجاهلة هبات الهواء الباردة والتى جعلت من ارجاء الغرفة كالصقيع فوقف مكانه يتابعها للحظات قبل ان يهمس لها بهدوء
  الجو برد عليكى وبوقفتك دى هتتعبى كده
لم تتحرك من مكانها تقف بثبات متجاهلة حديثه لها ليزفر هو بحدة وقد بدء صبره بالنفاذ يهتف بحدة
  اسمعى الكلام يابنت الناس وبلاش العند بتاعك ده فى كل حاجة كده
التفتت اليه ببطء بجانب وجهها للحظة تنسدل خصلات شعرها حول وجهها كستار تحجبها عن عينيه ثم تعود لوضعها السابق مرة اخرى فاخذ هو يراقبها بصمت ثم يتنهد باستسلام يتحرك ناحية الاريكة يلقى بجسده فوقها متنهدا بتعب واضعا ساعده فوق وجهه يغلق عينيه بأرهاق متجاهلا اياها تماما حتى تحدثت اليه بصوت هامس مقتضب تنهى الصمت بينهم
  مبروك عليك عروستك الجديدة وياارب تكون هى دى اللى تستحقها وتستحقك
نهض سريعا من مكانه يستند على مرفقه محدقا بها بعينين مشټعلة يسألها بقسۏة
  وده يهمك فى حاجة لو حصل
اسرعت تهز راسها بالنفى تجيبه بتلعثم
  لااا ابدا ميهمنيش ابدا انا بس كنت 
عاد الى وضعه يستلقى مرة اخرى مقاطعا كلماتها المتلعثمة قائلا ببرود خشن
  يبقى خلاص وفرى كلامك لنفسك علشان مهمنيش اسمعه
اضجع على