اسكريبت كامل جديد "الجزء الثاني"
حتا الناس وهي راكبه في السفن وأد اي الفرحه مرسومه ع وشهم حقيقي شكلهم مبهج ومفرح كان المغرب قرب يأذن فغيرت لبسي واستأذنت من بابا ونزلت
حمص الشام يا عمو
حاضر اي ده انتي إذيك
الحمد لله يا عمو ها ممكن اقعد
اكيد يا بنتي والمرادي الحساب عليا
تسلم والله
قعدت واكلت حمص الشام والمره دي تختلف عن كل مرة لاني كنت باجي كل أسبوع دلوقتي هاجي كل يوم فضلت ابص ع السفن وهي بدأت تتحرك في البحر وسامعه صوت الموسيقي والأطفال بترقص وقلبي بيرقص معاهم
بتعمل ايه هنا يا مالك انا طلبت منك تخرج من حياتي
بس انا مش عايز اخرج انا مرتاح كده وهبقا مرتاح اكتر لو وافقتي ع طلبي
مستحيل ده يحصل انت سامع وابعد عني بقا وياريت لو شوفتني في مكان متكلمنيش
بطلي بقا أنانيتك دي انتي اي مبتحسيش! معقول معندكيش قلب ومش حاسه بيا طب إديني فرصه أثبتلك إني بحبك و
يومين! انتي مش فاهمه حاجه إديني فرصه أشرحلك
مش عايزه أسمع حاجه
مسكت ايدها وشديتها ورايا المره دي بالذات لازم تسمعيني
انت مچنون سيب ايدي وإلا هصوت وهلم عليك الناس
طيب إديني خمس دقائق
.......
عشان خاطري واوعدك بعدها هعمل اللي تطلبيه مني
طيب اركبي العربية نروح في اي مكان عام نقعد نتكلم
ركبت جمبو وانا مقرره إني هسمعو وبعدها همشي وهطلب منه يختفي من حياتي!
معاك خمس دقايق اتكلم
انا بحبك وعايز اتجوزك والله هسعدك وعمرك ما هتندمي إنك اخترتيني
لا وبالنسبة لانك....لانك بتحبني!
أنا فعلا بحبك ومش من يومين زي ما انتي مفكره انا بحبك بقالي ٧ سنين
ايه....!
انك مطلقه يا ملك....عارف.
عارف ازاي!
من سنتين بالظبط نزلت مصر وسألت عليكي صحابنا القدام وقتها عرفت انك اتكتب كتابك ع حد غيري وقتها اتكسرت وقررت أسافر ومرجعش مصر تاني رفضت فكرة الجواز ومحيتها من حياتي لحد ما عرفت قريب إنك اتطلقتي مترددتش لحظه ونزلت مصر وعرفت عنوان بيتك
