رواية أمل احمد

معرفش يتخطاها قراري أن يونس يتجوزك مجاش من فراغ لاني عارف ان ف مشاعر من ناحيتك ليونس وانا لاحظتها وعارف انك بتحبي يونس من زمان يا رغد يمكن أبوكي ما خدش باله بس انا لاحظت من نظراتك وافعالك تجاهه عشان كدة اقترحت على أبوكي أنه يجوزك يونس بس اتفجأت أنه وافق بدون تردد ودة فرحني جدا وسهل الأمور عليا و لاني واثق فيكي وعارف محدش هيخرج ابني من ذكريات مريم ويساعده ويفتح قلبه مرة تانية ويعيش حياته غيرك أنتي عارف أنه صعب وهياخد وقت بس انتي قدها يا بنتي مش كده 
رغد بذهول وصدمة ........... القدر هو شئ خفي لا يظهر إلا عندما يأتي وقته قدري هو أن أحبك ولكن قلبك وحبك ملك لآخر قمت بإحتلال قلبي دون أستئذان لا أعلم ماذا تخبئ لي الأيام 
رغد پصدمة حضرتك عارف كل دة ! مش عارفة هقدر ولالاء 
محمد أيوة عارف يا رغد 
رغد بإحباط يونس حب مراتة كبير أوي جواه صعب أوي أنه يخرج منه معتقدش اني هقدر أخلصة من ذكرياتها 
محمد بتشجيع لا هتقدري لان مشاعرك تجاه يونس قوية وبعدين مش يمكن ربنا عايز أن قصة الحب تتجدد من جديد ربنا ليه حكمة وجه الوقت يا رغد شوفتي ترتيبات ربنا وصلتنا لايه شايفة الوضع الحالي ربنا جمعك بيونس بعد سنين عشان قدركم تكملوا مع بعض وفي الحلال طريق الحب صعب يا رغد أنتي فاكرة ايه هو اي بنت وشاب يتعرفوا ع بعض ومقضيناها كلام حب وخروجات وهدايا دة اسمة حب لا طبعا والدليل ياما ناس دخلت بيوت بسبب الحب واتفقوا ومع اول خلاف بيختلفوا الحب اللي كانوا واخدينه عذر وسبب وقت الخلاف بيختفي لان دة مكنش حب أصلا
رغد طيب خلال السنه دي تفتكر هقدر أخلي يونس يحبني وينسى موضوع الطلاق دة اللي بعد سنه 
محمد
حاولي يا رغد ومتيأسيش 
رغد حاضر هحاول طيب هي مريم دي كانت بتعمل ايه عشان يونس حبها يمكن لم اعمل زيها يتقبلني 
محمد بعقلانية لا طبعا اوعي تعملي كدة غلط إياك يا رغد تحاولي تقلدي حد عشان تكسبي شخص اي كان حب صداقة شغل خلي اللي يقرب منك يقرب لذاتك انتي يبقي حابب قرب رغد لشخصيتها كدة هتلغي ذاتك وتعيشي حياة شخص تاني أنتي فين كيانك فين نفسك لالا خلي يونس بحب رغد نفسها بعيوبها قبل مميزاتها اتفقنا 
رغد اتفقنا يا عمي 
باااااك 
رغد هتعملي ايه يا رغد ايه الاختبار الصعب دة واكملت بقوة ولا صعب ولا حاجة وطبطبت ع كتفها بمرح وقالت انت قدها دة جوزك يا عبيطة يعني كل شئ متاح حلالك انتي فاهمة ورفعت نظرها للسماء وقالت يارب قويني ع اللي جاااااي
بعد أسبوعين ف منزل والدي رغد يدق جرس الباب فتذهب ناديه لفتح الباب فتجد مي أمامها 
ناديه اذيك يا مي ادخلي يا حبيبتي ايه يا بنتي مختفيه فين من بعد فرح رغد ومنشوفكيش 
مي معلش يا طنط انتي عامله ايه ورغد فين واكملت بحزن مصطنع والله زعلت أوي ع رغد 
نادية هنعمل ايه بس الحمدلله انها جت ع قد كدة 
مي امال رغد فين 
نادية باستغراب مالك يا مي رغد ف بيت جوزها انتي مشيتي بدري ولا ايه 
مي بذهول هي اتجوزت واكملت بفضول مين يا طنط
نادية اتجوزت يونس 
مي يونس مين 
نادية يونس ابن صاحب أبوها 
مي وانا معرفش معلش يا طنط ممكن عنوانها اروح اطمن عليها 
نادية طبعا يا حبيبتي العنوان ............
مي وهي تنهض شكرا يا طنط معلش بقا مضطرة امشي عند مشوار 
نادية لسة بدري 
مي لا معلش وقت تاني وغادرت
ف مكان عام 
آسر وهو يمسك ذراع مي قال انتي متأكدة من الكلام دة 
مي أيوة رغد اتجوزت ابن صاحب أبوها مش عارفة ظهر امتي وازاي قدروا يلموا الموضوع بالسرعة د ي 
آسر هاتي العنوان كدة 
مي بفضول ليه 
آسر بإصرار قولي يا مي العنوان اخلصي
مي لا مش هقولك وبعدين خلاص هي راحت لحالها أي كان الشخص اللي اتجوزته ميهمناش اكيد راجل اي كلام وخلاص عشان الڤضيحة وسمعتها والناس متتكلمش عليها معتقدش انها اتجوزت حد أحسن منك يا آسر .
في منزل يونس
رغد يونس ممكن اسألك سؤال بس متفهمنيش غلط 
يونس أسألي 
رغد يعني ايه حب 
يونس الحب الحلال طبعا هو 
أن تتعفف هي و يستعفف هو حتي يلتقيا علي غير موعد! 
و كأن كلاكما قد حفظ للآخر أمانته في نفسه دون أن يراه و أن يكون هو أول من يخربش علي جدران قلبها كلمة أحبك 
ويكون أول من يترك بصمة عميقة علي شغاف قلبها 
أن تنصت هي لرجفة قلبه و رأسها على صدره بعد أن منحتها ميثاقا غليظا
و ألا يلتفت لأي امرأة أخرى لانها أشبعت قلبه بظمآن للحب فارتوى بها الشعور بأول لمسة والرعشة الأولى بكف يديها الرقيق بعد عقد القران
الحب هو الأمان الحصن الجدار القوي الرحمة التقدير ترى بعينيها حبيبها سيد الرجال مختلف متميز
بعد أن أنهى حديثة ابتسم وأكمل مش كل الناس تعرف تحب يا رغد الناس بقت فاهمة الحب غلط الحب مواقف وأفعال جبر خواطر رفع الروح المعنوية زي حب رسول الله للسيدة عائشة كان بيقولها ايه 
رغد بإهتمام ايه 
يونس حبك يا عائشة في قلبي كالعروة الوثقى 
رغد يعني ايه 
يونس كعقدة الحبل صلة قوية كانت السيدة عائشة كل فترة تغازل رسول الله وتسأله كيف حال العقدة يا رسول الله يبتسم ويقول كما هي على حالها وحاجة كمان الحب السوي هو حب القلب والروح الحب عمرة ما كان معتمد على القلب بس لو الحب اعتمد على القلب بس يبقي حب ضعيف والمشاعر هي اللي متحكمة ف الشخص ومع الأيام صاحب المشاعر دي هيغرق ويتكسر ولو اعتمد على العقل بس يبقي حب مفيهوش مودة ولارحمة فيه قسۏة وبرود لازم يعتمد ع الاتنين لأن القلب والعقل مكملين لبعض
فيقطع حديثهم جرس الباب فتذهب رغد لفتح الباب وتفتح فتجد مي أمامها 
رغد مي 
مي وهي تحتضن رغد وحشتيني عارفة إني اتأخرت عليكي مبروك ي حبيبتي 
رغد الله يبارك فيكي تعالي ادخلي عرفتي العنوان منين 
مي جبته من طنط ونظرت ليونس
بأعجاب قالت دة جوزك 
رغد أيوة ونظرت ليونس وقالت دي مي صاحبتي 
يونس أهلا نورتني ونظر لرغد وقال عن اذنكم عشان تاخدوا راحتكم ورحل من أمامهم مي وهي تنظر لأثر رحيلة قالت بخفوت مع نفسها مكنتش متخيلة أنه كدة دة يضرب آسر بالجزمة ايه الهيبة دي من يومك محظوظة 
رغد وهي تقطع حبل افكار مي عاملة ايه يا مي ليه الغيبة دي 
مي بضحكة مصطنعة معلش انشغلت عنك حقك عليا 
رغد ولا يهمك 
مي مالك مش مبسوطة ولا ايه 
رغد لا بالعكس مبسوطة جدا الحمدلله 
مي بخبث معقولة نسيتي آسر بالسرعة دي عادي كدة
رغد آسر خلاص بقا ماضي وعدى أنتي فاكرة ايه هفضل حزينه عليه وابتسمت واكملت أنا ربنا عوضني بالاحسن والأجمل 
مي ربنا يخليكم لبعض حبيبتي 
رغد يارب 
بعد مدة من تبادل الحديث نهضت مي وقالت معلش بقا همشي يدوب أروح 
رغد ماشي حبيبتي ابقي تعالي
مي إن شاء الله يلا بااااي
ف الإسكندرية في غرفة مي وهي تقلب غرفتها رأسا على عقب وتجلس ع الأرض وتقول