رواية خطى المشاعر من الفصل الأول إلى الفصل الخامس
ووقف من بعيد يترقبهم والابتسامة تعلو وجهه وكأنه يشاهد فيلما علي إحدي القنوات الفضائية واخذ يتأمل أدهم وهو يضع الطعام في فم حنين ثم يرفع لها الكوب ممسكا بالشفاطه لترتشف منها ثم يشرب هو ويأكل بعدها
استفاق اسامة علي صوت المدير انت واقف هنا بتعمل ايه
يالا علي شغلك بدل ما اخصملك نص يوم بلاش لكاعه
اسامة حاضر حاضر يا فندم انا رايح اهوه بلاش خصم انا لسه ملحقتش
ادهم ازيك يا راچل يا طيب والله اتوحشتك كيفك وكيف ولدك
احمد كيفك يا ولدي اني كمان اتوحشتك اني في نعمه من ربي وولدي الحمد لله بيبوس يدك من وقت ما نقلته من الشغل للشغل الچديد وهو مرتاح وبيدعيلك ربنا يا ولدي يبارك فيك ويرزقك السعادة والست حنين كيفها انشاله بخير
احمد مبارك عليكم وعليها يا ولدي من وقت ما تركت قنا وچيت هنه وماټت مرتي واني معاوزش ارچع تاني حتي ولدي قاعد أهنه ومرتاح في شغله والحمد لله بنطمن علي الاهل بالتلافون وخلاص اكده زين لا تار ولا حد عارف موطرحي ولا حد عارف ان عندي واد وهنه آني بتحدت وياهم عادي محدش عارف أني صعيدي
احمد يا ولدي آني عارف اني لا قټلت حد ولا عمري ف يوم فكرت اعمل اكده ولكن خۏفي علي ولدي كبير بعد ما مشيت عرفت ان اهل القتيل رافضين الفدية ومأخدوش العزاا اه الموضوع فات عليه سنين طوال ولكن محدش عارف اللي مستخبي ايه يا ولدي خليني آني وولدي بعيد يالا اطلع للأميرة آني اخرتك عليها قوي وآني عارف هيا مهتحبش تقعد وحدها هنه بلغها سلامي
احمد آني وولدي عايشين من خيرك يا ولدي ربنا يرزقك من واسع فضله
ادهم امانه يا عم احمد لو احتاچت لشي ف اي وقت اتصل علي متترددش
احمد عيشت يا ابن الاصول متقلقش يا ولدي اكيد لو اعتزت لشي هكلمك ما انت ولدي الكبير يالا تصبح علي خير ومتنساش تبلغ سلامي للحاچ عبد الكريم
حنين انت اتأخرت ليه كده يا قلبي
ادهم معلش يا قلب ادهم كنت هسلم علي عم احمد من زمان مشفتهوش ولا اطمنت عليه
حنين بقول ايه ما تحكيلي حكاية الراجل ده انا شوفته كتير وعارفه انه بيحبك بس كل ما آجي اقولك احكيلي عنه انسي بس ادينا سهرانين يالا احكيلي عنه شويه
واتقلب الفرح احزان ومياتم والعيلة اعلنت مفيش عزا لحد اما تآخد بتار اللي ماټ
عمك احمد الناس اتهموه ان هو اللي ضړب پالنار لانه كان ماسك بندقية بس المسكين لقاها في الارض لان بعد الراچل ما طب ساكت اللي كان ماسك البندقية رماها وأحمد كان غلبان مسكها ورفعها من الارض فلزقت التهمه فيه ومن وقتها كان لسه متچوز مكملش شهور اخد مرته وهچ من البلد واتصل بيا بعدها بيومين يستنچد بيا فچيت اهنه وچبتله شغل واتعلم الصنعه علي يد شيف كبير بعدها عرف ان مرته حامل بس ماټت المسكينه وهيا بتولد وسابتله واد اتكفل بيه ومن وقتها وهو هنه ومرچعش قنا والناس نسيته ونسيت حكايته يعني تقدري تقولي ان الحكاية ماټت بس هو خاېف يرچع لحد دلوك وولده ما شاء الله كبر واشتغل بس المكان اللي كان هيشتغل فيه افلس واتصل بيا وكلمت ناس حبايبي وشغلوا الواد حداهم في السياحة وانتي عارفه الباقي بقي كل ما بناچوا هنه لازمن اطمن عليه واشوفه واعرف احواله واحوال ولده واعرف اذا محتاچ لشي ولا لاه
حنين ياااااه انت كل يوم بتثبلي اني فعلا ربنا راضي عني لما رزقني قلبك وحبك ربنا يزيدك من محبة الناس اللي بتعمله مع غيرك ده شيء عظيم والحمد لله يمكن احنا عايشين في خير كبير بسبب دعوة الناس بظهر الغيب اقتربت منه وهمست
