رواية خطى المشاعر من الفصل الأول إلى الفصل الخامس
له وأنا بحبك خبيني جوا قلبك ممكن
ادهم انتي تؤمري وآني عليا التنفيذ بس تفتكري طلبك ديه آني هنفذه ازاي هو انتي معرفاش انك چوا قلبي من وقت ما وعيت علي وش الدنيا كنك موشومه علي قلبي وكني عميت عن بنات الكون كله إلا انتي كلمات العشق هربت مني اما حست انها هتكون قليله عليكي اقولك تعالي چوا حضن ادهم يمكن قلبه يقولك بحبك وتسمعيه اكتر
مرت الايام سريعا وعاد العروسين تغمر قلوبهم السعادة
همسه احنا جينا يا تيته انتوا فين يا اهل الدااااار
اسرعت فضة تطوي الارض طيا بخطواتها تصدح بالزغاريد حمدلله علي سلامة الحلوين تعالي في حضن عمتك يا روح قلبي اتوحشتك قوي
هشام طيب بالراحة يا قلبي اما نسلموا علي اللي هنه لاول وبعدين نسألوا علي الباقيين ازيك ياما اتوحشتك فين ابوي وباقي الناس
........ ازيك يا قلب امك اتوحشتك قوي يا ولدي خالك ومرت خالك في شرم الشيخ ذي ما انتوا عارفين وچدك في الارض ويا العمال هو وابوك وچدتك نايمة شوي اطلعولها
......... حمزة راح دار عمتك قسمه لچل يشوف مالك وزمانه راچع روحوا صحوا چدتكم اقعدوا وياها لحد اما اچهزلكم الوكل
همسه انا هستني جدو اما ييجي هشام اكلني في الطريق مش جعانه دلوقت يا عمتو
........ ربنا يا ولدي يچعلك حنين علي طول طيب روحوا لحضن ستكم زمانها اتوحشتكم قوي
........ يالا يا قلب هشام
معلش ياما نادمي علي ثريا والبنات يطلعوا الشنط ف الاوضة
........ من عيوني يا قلب امك روح ويا عروستك ربنا يهنيكم وتملوا عليا الدار بالعيال يااارب
........ واه متستعچليش يام هشام لساتنا متچوزين مكملناش حاچه مستعچله علي الولد خليني أعيش معاها شوي واشبع منيها وبعد اكده تتشغل بالعيال انما دلوك علي الحامي اكده
......... طيب ياما قولي يارب
همسه يا هشام تعالي بقي يالا انا مستنياك عاوزه اشوف تيته
هشام چاب اهه يا قلبي
افوتك دلوك ياما لچل ما اطمن علي چدتي
فضه روح يا ولدي الله يهنيك بعروستك وتملا علي الدار بالعيال
همسه اسرعت وطرقت الباب فلم تستجب لها غنية
_ الظاهر انها نايمه افتحي خلينا ندخلوا نصحوها
فتحت بهدوء ودلفوا يقتربون من فراشها ووضعت همسه علي جبينها قبلة حانية وتحدثت بهمس تيته احنا جينا قومي وحشتينا
استيقظت غنية والابتسامة تظهر علي محياها واعتدلت من نومها لتحتضن همسه قائله يا قلبي يا قلبي اشتقالك يا بت الغالي تعال ف حضني يا واد ولا كبرت اياك
اقترب منها هشام يحتضنها ويقبل يديها قائلا ومهمي كبرت هكبر عليكي يا چدتي ازاي ديه
غنية اتوحشتكم قوي وكنه البيت فضي علي آني وامك وابوك وچدك من وقت ما سافرتم وسافر الغالي وأخد حنين
قوم قوم يا ولدي روح افتح الخزانه وهات الصندوق الخشب الكبير
وقف هشام وتوجه نحو الخزانه وفتحها واحضر منها الصندوق الخشبي الكبير المطعم بالنحاس والاحجار الكريمة ووضعت علي الفراش امام غنية قائلا اتفضلي يا چدتي أهه الصندوق
فتحته غنيه واخرجت منه عقد كبير من اللؤلؤ الحر وبه دلايه كبيرة من الذهب المطعم بالألماس منقوشه بإسم الله واعطته لهمسه قائله و دي نقوطك من چدتك تعرفي أن العقد ده من چدتك الكبيرة أمي الله يرحمها وندرت ندر بيني وبين نفسي اذا اعطاني ربي الصحة وعشت وشوفت ولاد ولادي هيكون العقد ديه من نصيب اول حفيدة وكان من نصيب الغالية
اما انت يا ولدي فنصيبك خمس چنيهات دهب من چنيهات چدك ابوي مش چدك عبكريم تعرفوا ان ابوي الله يرحمه كان بيچمد فلوس كتير علي اكده كل ما يكون معاه قرشين يروح يچمدهم چنيهات دهب وآني اخدت ورثي وچدكم عبكريم قالي فلوسك ومالك حلال ليكي آني معوزش مليم خليهم وياكي تبعيهم وتشليهم فلوسك انتي حرة فيهم فكان الندر ان بعد چواز اول حفيد ليا يبقي نصيبه خمس چنيهات وهفرج علي الولد كلاتهم حقهم فرحة چوازكم دي بقي غير دهب امي اللي هفرجه علي امك وخالتك ومرة خالك حنين
همسه الله ده جميل اوي اوي يا تيته انا هلبسه علي طول ومش هقلعه ابدا بس !!!!
غنيه بس ايه يا بتي مالك
همسه اصل انتي بتقولي علشان جوازي انا وهشام والندر بتاعك انتي هتفرقي دهب تيته مامتك علي كل البنات وحتي عماتو وماما
