رواية خطى المشاعر من الفصل السادس إلى الفصل العاشر
صوته برا
انتفضت همسه قائله هشام
وأسرعت للباب تنتظر حبيبها الذي غاب عنها ليلة كاملة بسبب العمل وقفت تترقب دخوله من الباب
تنبه الجميع علي تلك العصفورة التي تبحث عن وليفها الي أن دلف من الباب واقترب منها فلم تتمالك نفسها وارتمت بين ذراعيه تحتضنه بشوق جارف وهمست له حبيبي وحشتني اوي اوي
هشام اه يا قلبي والله اشتقتلك قوي
فابتعدت همسه عنه ولكنها متشبثه بيديه
هشام الله يسلمك ياما
اقترب وألقي التحية والسلام علي الجميع وقبل يد جدته واردف آني طالع أغير ونازل تاني اشوف چدي كنه مش هنه
فضه علي ما تغير هدمتك وترتاح شوي يكون رچع من قاعدة الصلح بين بيت وهدان وبيت النعيمي هو وخالك
همسه طيب يالا أنا طالعه معاك
نظر إليها نظرة شوق وارتسمت ابتسامة ناعمة علي وجهه حاول اخفاءها من أعين الحاضرين
مصطفي بضحكة ماكرة متتأخرش يا واد عمي كنه الوكل هيبرد
....... بس يا واد مهتأخريش ولا چعان كل أنت ومتستناش
ارتفع صوت مصطفي مقهقها لاه ازاي ده وديه ينفع بردوك هنستنوك بس متتأخرش علينا
لمحها هشام بطرف عينيه فابتسم قائلا چالك المۏت يا تارك الصلاة وارتفع صوته مقهقها واردف استلقي وعدك بقي وقعت ف يد من لا يرحم
مصطفي ضاحكا وجثي علي ركبتيه لاه لاه خلاص استسلمت
حنين بإبتسامتها المعهودة وهدوءها الذي يعشقه الجميع مجانين والله يالا يالا خلصونا علشان كلنا جعانين هنقوم نجهز علي ما عمي وادهم يرجعوا
ضمنها بين ذراعيه متسائلا انتي جعانة
اومأت برأسها لا واردفت كنت جعانه وشبعت اما شوفتك
هشام بس آني چعان ومېت چوع
اتسعت حدقتيها وتساءلت بجد هو انت آخر مرة أكلت فيها
..... هاه لاه آني أكلت بس والله ما فاكر من الشغل بس آني هآكل حالا اهه وهشبع كمان
اعلن هاتف فضه عن استقبالها فتفقدتها بإبتسامة هادئة وتركت الهاتف جانبا وبعد دقائق ارتفع صوتها يالا يا بنات نچهزوا الوكل زمان الرچالة راچعين
همسه انت كنت بتكلم مين يالا مش هتغير هدومك علشان تنزل تآكل
هشام ما آني قولتلك هآكل وهشبع بس لأول چهزيلي الحمام
__________________
عبد الكريم خلاص يا جماعة سمعونا الفاتحة علي نية الصلح والحمد لله أكدة كل واحد عرف ارضه وكفانا لحد أكدة خناق كل ساعة والتانية
وهدان خلاص يابا الحاچ كلمتك علي الرقاب والفاتحة علي نية الصلح
النعيمي خلاص يابا الحاچ اللي تقوله هننفذه وكفي الله المؤمنين شړ القتال والحمد لله المهندس اللي قولتلنا عليه قسم لنا الارض واحنا ارتضينا
ادهم مباركين عليكم يالا سمعونا الفاتحة والليلة الچاية العشا حدانا انتوا عارفين ابوكم عبكريم هو والحاچة مسافرين للحچ ان شاء الله
وهدان علي بركة الله بسم الله الرحمن الرحيم .............
همس الجميع للحظات ثم ارتفعت الاصوات ولا الضالين آمين صدق الله العظيم
تصافح وهدان والنعيمي وانتهت المشكلة بسلام
ادهم الله يهدي النفس ويبعد عنيكم الشړ نستأذنوا احنا بقي ونتوكلوا علي ارزاقنا ومستنظرينكم علي الموعد ان شاء الله
النعيمي تسلم رجليك يابا عبكريم تعبناك معانا وحچه مبروكة وذنب مغفور بإذن الله وترچعوا بالسلامة
وهدان في امان الله
استند عبد الكريم علي يد أدهم وألقي السلام علي الحضور وعادوا متوجهين للڤيلا وكان الجميع في انتظارهم علي طاولة الغداء فتساءل عبد الكريم فين همسه يا حنين يا بتي كنه حزنانه عشان هشام مرچعش لدلوك
حنين لا لا يا عمي هشام رجع من شويه وطلع يغير هدومه ونازلين دلوقت
فضه غمزت بعينها لحنين فلاحظهم ادهم وارتسمت الضحكة علي وجهه قائلا طيب تبقي تطلعيلهم وكلهم في الاوضة يا خيتي الواد راچع تعبان من السفر خليه يرتاح شوي الوكل مهيطيرش
ارتفع صوت مصطفي مقهقها والله يا عمي قولت اكده قالوا اطلعوا من البلد
قسمه ضاحكة بس يا واد چدك قاعد اما نشوفوا بكرة اما تتچوز هتعمل فينا ايه
اردف مصطفي ضاحكا مهعملش يا عمتي ومحدش هيشوفني مش هكون هنه هكون ف القاهره
رحمة بكرة مهواش بعيد يا واد خالي ونقعد چنب الحيطة ونسمعوا الزيطة
مصطفي بضحكة علي وجهه خلاص خلاص سكتنا العچل اما يوقع هيسنوا السكاكين ولا ايه كل ديه عشان هشام اوعدنا يارب
غنيه والله يا واد ولدي كلكم غلاوة واحدة ربنا يفرحني بيك واشوف عوضك
جميلة وقد لوت شفتيها وسمعها الجميع ما هما بيقولوا ف المثل اعز من الولد ولد
