رواية خطى المشاعر من الفصل السادس إلى الفصل العاشر

كمان عاوزه اطمن عليها يا فضة
فضة طيب يالا بسرعة اچهزي وآني هستناكي
دقائق واستقلت فضة وحنين السيارة مع مصطفي وما هي إلا بضع دقائق ووصلوا للمشفي واسرعوا بالسؤال عن تقي
ياسين يا مصطفي تعال الچماعة فوق وتقي ولدت الحمد لله وچابت واد بس انتوا عارفين انها ولادة قيصري عموما اطلعوا انتوا وآني هروح اشتريلها حقنة الاجسام المضادة من المصل واللقاح لازمن تآخدها بعد الولادة علي طول علشان اذا ربنا اكرمنا بحمل تاني الچنين مينزلش فيه تشوهات
مصطفي طيب يا عمتي خودي مرت عمي واطلعوا انتوا اطمنوا عليها وآني هروح ويا ياسين مهسبهوش هنچيب الحقنة ونرچعوا طوالي
توجهت فضة بصحبة حنين لغرفة تقي في قسم الولادة
فضة مباركين مباركين يا خيتي يتربي في عزكم وعز ابوه مبارك ما چالكم
حنين ألف مبروك يا قسمة حمدلله علي سلامتها
قسمه الله يسلمكم يارب تسلم رچليكم
دلفت رحمة للكافيريا وطلبت فنجان من القهوه وجلست جانبا تنتظره حتي يتم تجهيزه وبعد تقديمه لها شربت منه الكثبر ثم حملت ما تبقي وتوجهت لباب الخروج واذا بها تصطدم بجسد ضخم رفعت عينيها واذا بشاب اسمر ذو شعر شديد السواد وعيون واسعة يرتدي ملابس ضابط وانكسب القليل مما تبقي من قهوتها علي الارض
_ أنا آسف يا آنسة معلش انا مستعجل ومأخدتش بالي
_ حصل خير ولا يهمك وبيقولوا دلق القهوه خير والحمد لله انها مش علي هدومي اهي الارض شربتها بعد اذنك
تركته وانصرفت من امامه بعد أن سلبت منه عقله بإبتسامتها ولكنه لم يبال بها فهو منشغل بإصابته صديقه الذي اصيب في مداهمه لوكر لتجار المخډرات بالأمس واتي لزيارته والاطمئنان عليه
رحمة تتحدث لنفسها الله الظباط دول شكلهم حلو اوي بجد انا نفسي اما اتجوز ربنا يرزقني بظابط كده امشي جنبه وكل الناس تحسدني عليه يااارب توعدني
اطمأنت كل من فضة وحنين علي تقي وعادوا للڤيلا واستفاقت تقي واطمأن الطبيب علي حالتها وعلي الجنين وامر بخروجها في صباح اليوم الثاني
______________________
والدة زينة شوفت الناس بتقول إيه عن أحمد اللي انت رفضته علشان واد اخوك اللي مطفح بتك الډم من يوم ما اتچوزها بسبب الخلفه
والد زينة سمعت يا ام زينة بس انتي كنتي عوزاني اچوزه البت وهو فقران مفيش حداه لا مال ولا دار هيعمل ايه بالشهاده من غير فلوس وبعدين يا وليه هو آني كنت مغسل وضامن چنه كنت عارف انه هيعمل اكده ف البت كل شي قسمه ونصيب ومحدش كان عارف حاچه آني مهشمش علي ضهر يدي لولا اننا رفضناه مكنش سافر وچاب المال ومكنش عمل كل ديه دلوك 
والدة زينة خلاص اتحدت ويا واد اخوك خليه يروح للداكتور يشوف عنده ايه بدل ما مطفح البت الډم ومسمعها كلام فاضي ليل نهار لاه وكمان مش مكفيه وبيقولها لو مچبتش عيال هتچوز عليكي خليه يروح يشوف حاله البت عدمت واتبدلت احوالها من وقت الچواز
والد زينة حاضر هتحدت وياه وربك يعدلها من عنده
______________________
همسه يا جدتي يالا غنيلنا وسمعينا بيقولوا إيه هنا للناس اللي بتحج
مصطفي واه كنك محفظاش يا بت خالي الغناوي عندينا
همسه وهحفظها منين انا يا فالح انت انا بسمعها من الناس بس نفسي اسمعها من جدتي
هنيه طيب متتخانجوش آني هغنيلكم حته صغيرة من اللي فكراه وعماتكم يكملوا
همسه ماشي يا جدتي يالا سمعينا
الكل سكت وبدأت غنية تغني
بعيدة بعيدة يا طريق النبي
بعيدة بعيدة وإن عطاني ربي
لأروحلك سعيدة
ولا مال معايا خاطري ازور النبي
ولا مال معايا يا كريم يا ربي
يارب العطايا
ولا مال ف يدي خاطري ازور النبي
ولا مال ف يدي يا كريم يا حنون
تحنن ياربي
بعيدة بلافه يا طريق النبي
بعيدة بلافه وان عطاني ربي
لاروحلك بزفة
استكملت عنها قسمة
صلوا علي النبي وزيدوا صلاته
ده كان يلاغي القمر ويفهم لغاته
اه يا نخل مكة يا طويل يا عالي
والتمر منك منك دوا للمبالي
اه يا بير زمزم تلابيب حلايب
والشرب منك منك دوا للعليل
اه يا بير زمزم تلابيب تلاته
والشرب منك دوا للمسافر
ثم استكملت فضة
صلوا علي النبي وزيدوا صلاته
ده كان يلاغي القمر ويفهم لغاته
رايحه فين يا حاچه يام شال قطيفة
رايحه ازور النبي محمد والكعبة الشريفة
فاطمة يا فاطمة يا بنت نبينا
افتحي البوابة يا فاطمة ده ابوكي داعينا
وادعيلنا يا حاچه وانتي علي عرفات
وبتزوري النبي الغالي وبترمي الچمرات
وادعيلي ياما من فوق المنابر
ودعتلك يا ابني يا ابني تيچي بالسلامة
وصلتني ليلة لحد المحطة
عاودي يا ليلة يا ليلة لقتلي رفاقة
لللللللي لللللللي مبارك ياما تروحوا وترچعولنا بألف سلامة ومتنسوناش بالدعوات
......... الله يسلمك يا بتي ملناش غيركم ندعوله اومال هندعو لمين
فضة الله لا يحرمنا دعاكي ياما وتروحوا وترچعولنا بألف سلامة
همسه بفرحة الله عليكم وعلي كلامكم حلو اوي يا جدتي يارب تروحوا وترجعولنا بالسلامة
اسرعت همسه تختبئ بداخل احضان جدتها واردفت انتي وحشتيني من دلوقت يا جدتي وانتي لسه معايا ادمعت اعينها
انا حاسه انك سافرتي خلاص من كلام الاغنية
مصطفي نشفي دموعك يا بت خالي ان شاء الله هيرچعوا بالسلامة قومي چوزك رچع آني سامع