رواية خطى المشاعر من الفصل الحادي عشر إلى الفصل الخامس عشر

كبيرة اخد كذا شهر لحد اما حالته النفسية اتحسنت وطبعا كل ما نكونوا قاعدين ويا بعض يفتكره ويطلب منينا ندعوله ونقروا الفاتحة علي روحه
وردة  الله يعينه علي الفراق ويرحم صديقه طيب انا اتأخرت قوي يا مسعد ان شاء الله وآني راچعة دلوك هصورهم وبكره هچيب الكشكول ان شاء الله
مسعد  ماشي وآني هستناكي لچل ما ارچعه لصاحبه
عاد الجميع إلي ڨيلا عبد الكريم واطلقت فضه الزغاريد بعد أن علمت بحمل همسه  ألف بركة يا حبيب امك مبروك يا همسه مبروك يا خوي مبروك يا بت عمي ربنا
يتمملك بخير يارب وتقومي بالسلامة وتملي عليا البيت بالعيال
هشام  اماه همسه تعبانه ومن دلوك هيا مسئوليتك الداكتور قال ان الحركة ممنوعه لمدة اسبوعين لان الحمل مش ثابت بسبب الطيارة فخلي بالك منيها
حمزة  يعني انا هبقي خالو الله ده احلي خبر انا سمعته في حياتي امتي بقي ييجي علشان اشيله انا نفسي اشوفه دلوقت
غنيه  يارب يا ولدي ييچي بالسلامة
توجهت همسه لغنية واحتضنتها  تيته انا خاېفه اوي الدكتور قال ان الحمل مش ثابت
غنية  مټخافيش يا بتي ان شاء الله هيثبت وهتقومي بالسلامة تعرفي آني عارفه انك حامل من يوم ما رچعتي من السفر وقولت لعمتك ووصيت هشام بس هو مفهمش الكلام انما فضه فهمت وكانت هتظغطك لچل الواد ما يآچي تبقي صحته زينه
عبد الكريم  مبروك يا ولدي كبروك الولد يا ادهم انت وفضه
مبارك يا حنين ربنا يتملها علي خير يا بتي
حنين  الله يبارك فيك يا عمي ربنا يسمع منك يارب ويتملها علي خير
احمد  ألو ازيك يا صاحبي آني رچعت وفي المطار چاي علي البلد
هشام  حمدلله علي سلامتك يا صاحبي طيب ابعتلك عربية للمطار تچيبك ليه مبلغتنيش قبلها كنت چيتك آني بنفسي
احمد  معلش يا صاحبي محبتش اعطلك عن شغلك وبيتك آني عارف انك من وقت ما اتچوزت والمسئوليات زادت المهم بعد صلاة المغرب ان شاء الله هستناك في مكانا ونروحوا سوا عند زينة نعزوها
هشام  طيب ليه في مكانا آني هعدي عليك ف الدار يا صاحبي واما نخلصوا مشوارنا نبقوا نروحوا نقعدوا في مكانا ونتحدتوا ذي ما احنا عاوزين
احمد  خلاص ماشي اني هكون مستنيك ان شاء الله
عبد المجيد  يا زهيرة تعالي اقعدي حداي عاوزه اتحدت وياكي شوي
زهيرة  چيتة اهه يا واد عمي خير انشاله 
عبد المجيد  فاكره اما اتحدتي وياي من فترة وقولتيلي لازمن تشوف شغل چديد
زهيرة  اه طبعا فاكره وهيا دي حاچه تتنسي
عبد المجيد  اني من وقتها مساكتش دورت لحد ما لقيت واحد من المعارف عايش في القاهرة وبسبب بعد المسافه اتفق وياي أكون آني هنه موطرحه وهو هيكون في القاهرة
زهيرة  ايوه يعني هيكون ايه شغلك أهنه 
عبد المچيد  شوفي الراچل ديه بيشتعل في استيراد وتصدير الخضروات وخاصة الموالح ذي البرتقال واليوسفي والليمون وطبعا باقي الخضروات والفواكهه حسب موسم زراعتها فاتفق معاي أتفق اني ويا الفلاحين واستلم منهم الشغل كامل بالمواصفات المطلوبه ويستلم هو مني في القاهرة العربيات تحمل من هنه وتروح بيها علي الشركة لچل ما يعبوها بقي وتبقي چاهزة للتصدير حسب الاتفاق وانتي عارفه بقي الشغل ديه من وراه خير كتير قوي ديه غير ان كل حاچة هتكون تحت يدي وكلمتي هي اللي هتتنفذ ووقتها يبقي يوريني عبكريم وولده ازاي هيعرفوا يصدروا باقي شغلهم
زهيرة  مباركين يا واد عمي اهو أكده هي دي الافكار اهوه اكده انت تقدر تقول للكل واولهم واد اخوك ادهم انك لسه بصحتك وقادر تشتغل من چديد وهتستناش الملاليم اللي هيچيبهالك ولدك من اخوك كل اول شهر
ادهم  يا حنين يالا يا قلبي چهزي الهدوم علي ما اتحمم وقولي لحمزة يچهز حاله لچل ما نتأخروا علي الفرح
حنين  ما بلاش تآخد معاك حمزة المشوار بعيد وانا قلقانه وقلبي مش مطمن
ادهم  قلبك مش مطمن عليه وهو معاي و ديه بردوك يبقي كلام متقلقيش وبعدين لازمن يخرچ معاي والناس كلاتها تعرفه ديه واد ادهم عبد الكريم القناوي مش اي حد يالا بدر ومنصور وعامر چهزوا ومستنظرينا من بدري
حنين  حاضر حالا اهوه وكمان حمزه جاهز من بدري وقاعد مع جده تحت في الجنينه
هشام  حمدلله علي سلامتك يا صاحبي اتوحشتك قوي كيفك وكيف مرتك وولدك وشغلك اخباره ايه طمني عليك
أحمد  وانا كمان يا صاحبي وحشتني ملعونه الغربه ف كل كتاب اللي بتخلينا نشتاقوا لناس بنحبهم وبيحبونا آني بخير الحمد لله واموري ذي الفل والخير كتير من فضل الله
هشام  الله يزيدك من واسع فضله يا خوي آخرة الصبر خير يالا بينا لچل ما نتأخروا علي زينة
دقائق قليلة ووصلوا امام باب دار زينة وقرع أحمد الباب
زينة  چايه اهه مين عل الباب 
هشام  سلامو عليكو يا زينة آني هشام ومعاي أحمد چيه لچل يآخد بخاطركم
اسرعت زينة وفتحت الباب واستقبلتهم قائله  اهلا وسهلا شرفتونا اتفضلوا حمدلله علي السلامة يا أحمد سلمت رچليك
أحمد  الله يسلمك