رواية خطى المشاعر من الفصل السادس عشر إلى الفصل العشرين

من الفصل السادس عشر إلى الفصل العشرين
الضابط اللي اټقتل يبقي ولده لزين الدين اظنك تعرفه 
ادهم نكس رأسه حزنا ايوه اعرفه كان شاب طيب وابن حلال كان غلبان وملهوش كلام كتير مع حد ولا له عداوات الله يرحمه ويغفرله
الضابط هو ده فعلا اللي احنا مستغربينله بشهادة كل الناس اللي تعرفه انه ملهوش عداوات مع حد ومن وقت ما ابوه ماټ وهو في حاله بيرعي بيته ومن شغله لبيته ومن بيته لأرضه حتي الناس بتقول مكنش ليه في قاعدة القهاوي ولا له اصحاب كتير هو جاره وبس عموما هنعرف كل حاجه بس اللي لازم تعرفه ان ضړب الڼار كان من مكان عالي ولحد دلوقت مش متأكدين اذا انت اللي كنت مقصود ولا هوه بس اكيد هنعرف

نستأذن احنا وربنا يتم شفاك علي خير
ادهم يارب الله يسلمك يا بيه
همس ادهم في سره يارب سترك يا تري مين اللي عمل اكده هنرچعوا نفتحوا بحور الډم من تاني
دلفت حنين ادهم حبيبي انت بتكلم نفسك مالك ودم ايه اللي بتتكلم عنه
ادهم لا يا قلبي مفيش حاچه آني بس بقول الډم اللي علي يدي ديه من ايه 
حنين اه طيب هنآدي الممرضة تنضفه حالا
_________________________
مصطفي السلامو عليكو يا اهل الدار
جميلة يا مرحبه بالعرسان طيب مش كنت بلغتني يا ولدي انك چاي بس والله مفاچأه حلوه اهلا يا وسام يا بتي تعالي ارتاحي الطريق طويل من المطار لخد اهنه
مصطفي يعني مسمعتكيش هتزغدي ياما مشيفانيش عريس ولا ايه
ترددت جميلة قائله لاه ازاي يا ولدي بتقول اكده عريس وزينة العرسان بس ......
مصطفي بس بس ايه ياما ليه خبيتي علي ازاي كل ديه يوحصل وآني آخر من يعلم يعني عمي سندي وعزوتي يبقي في المستشفي بين الحيا والمۏت واتصل عليكي تقوليلي زينين خليك مع عروستك كيف ديه 
جميلة يا ولدي مقدرتش اخبرك وانكد عليك وانت لساتك عريس چديد بت الناس اللي معاك دي ايه ذنبها في النكد والحزن بس يا ولدي وهيا عروسه مكملتش شي
مصطفي طيب ياما بعدين نكملوا حديتنا 
ارتفع صوته عاليا يا همساااااه آني چيت يا بت عمي ومعاي وسام تعالي خوديها تقعد وياكي
سمعت همسه صوته ولكنها متعبه لم تستطع النزول لأسفل
جميلة همسه تعبانه يا ولدي والداكتور مانعها من الحركة الكتير سيب وسام معاي آني هخلي ثريا تطلعها فوق
مصطفي طيب ياما آني هروح المستشفي اطمن علي عمي
جميلة بلهفه روح يا ولدي وتبقي تطمني عليه الله يسترك
مصطفي حاضر ياما الله يطمنا كلاتنا بالخير انشاله
______________________
عامر دلوك احنا لازمن نفكروا مين اللي ممكن يكون عمل اكده في ادهم أحنا كلاتنا عارفين موضوع يوسف تفتكروا يكون هو اللي عمل اكده ولا حد تاني 
منصور لاه يا واد عمي يوسف ايه ديه الموضوع اكبر من اكده الموضوع فيه قتيل والقتيل يبقي واد زين الدين فاكرين زين الدين ديه ولا لاه
بدر ايوه فاكرينه يا واد عمي بس الموضوع ديه اتقفل من زمان وكان في صلح بين العيلتين
عامر طيب عموما خلونا نتأكدوا لأول من انه مش يوسف وقتها نقرروا ايه اللي هنعملوه
بدر طيب هملني يومين وهچيبلك قرار اللي اسمه يوسف ديه
عامر ماشي هنستنطروك
منصور عموما اسأل رغم اني متأكد من اللي في دماغي بس بردو خليني وياكم للأخير ونشوفوا بعد اكده هنعملوا ايه
____________________
رن الهاتف في غرفته
.... ألو هاه يا باشا انشاله تكون راضي عنينا 
..... انت غبي واعمي وډخلتنا في موضوع چديد إحنا في كنا في غني عنيه انت ملقيتش غير ادهم القناوي يا اضبش كنك اتعميت ونشانك خاب
..... لاه يا بيه متقولش اكده نشاني عمره ما خيب بس هماا اللي طلعوا قدامين ذي العفاريت معرفش منين وصابه العيار من غير قصد وبعدين هو مش انت قولتلي قبل سابق انه هو عارف مكان اخوه خلاص بقي اهو اخد نصيبه والحمد لله مماتش كلاتها كام يوم وهيقف علي رچله من تاني
..... الله يلعنك يا شيخ اقفل وغور من قدامي انت فتحت علينا باب چهنم يالا اختفي وكسر الخط اللي وياك ديه وحسابك واصلك واوعي تتصل بيا تاني لولا وظيفتي كنت آني اللي قټلته بيده وريحت ابوي في تربته
________________________
حنين ممكن يا دكتور حضرتك تطمني علي ادهم وتقولي امتي ممكن يخرج ويرجع معايا البيت 
الطبيب الحمد لله ادهم بيه في تحسن والچرح ذي الفل وممكن بكره بالليل ان شاء الله يخرج ويرجع بيته وبعد اسبوع يرجع لنا نطمن علي الچرح
حنين بسعادة بجد يا دكتور الحمد لله ربنا يطمنك اكيد ان شاء الله هيرجع لحضرتك بعد اسبوع علشان كلنا نطمن
___________________
همسه هشام بابا وحشني اوي عاوزه اروح اشوفه واطمن عليه
هشام بس اكده حاضر بس ايه رأيك لاول نتصلوا علي مرت خالي نشوفوه صاحي ولا نايم معوزينش نزعچوه بالزيارة كل شوي
همسه قول ياسي هشام انك خاېف عليا من المشوار مش اننا هنزعج بابا عموما