رواية خطى المشاعر

حاچه لېقتله في عز الضهر وقدام اهل البلد كلاتهم ومهيخافش حد عشان اكده آني بتحدت وياكي وبقولك فكري زين وخودي وقتك في التفكير وردي علي
إلتفتت رحمة فوجدت الباب مازال مفتوح فتوجهت إليه واوصدته جيدا ثم عادت تستكمل حديثها مع ادهم
__________________
فضه فين رحمه ديه آني چيبتلها كيكة من اللي هتحبها
حنين رحمه دخلت عند خالها هروح اشوفها
تركتها حنين وتوجهت لغرفه ادهم واذا بالباب موصد فعادت من حيث اتت لتردف قائله روحت اشوفهم لقيت الباب مقفول شكلهم لسه مخلصوش كلام دلوقت تييجي وتآكل منها
______________________
ادهم بريبة انتي واثقه من قرارك ديه يا رحمه 
رحمه ايوه يا خال متقلقش آني منيش صغيره آني كبرت خلاص وفاضل شهور واخلص الچامعه وبقي ليا قرار واقدر اختار اللي يتناسب معايا
ادهم اول مره اشوفك كبيرة بكلامك يا رحمة مش بسنك الله يسترها يا بتي عموما هبلغ ابوكي وچدك وربنا عليه التساهيل
رحمه كله خير يا خال بإذن الله هروح اشوف خالتي وچدتي وارچع لأمي اشوفك بخير يا خال ويتم شفاك علي خير
تركته وتوجهت لتستكمل ما تبقي لها من وقت لتقضيه مع باقي الاسرة اما ادهم فقام بالاتصال ببدر ثم خرج متوجها لمكتب عبد الكريم ليتناقش معه بخصوص رحمه
عبد الكريم كيف يا ولدي اللي هتقوله ديه 
ادهم والله يا بوي ديه كل اللي حوصل وبلغت بدر بيه
عبد الكريم طيب وايه رأيه في الحديت ديه 
ادهم معرفش اقولك ايه يا بوي كنه هيتچن من اللي هيسمعه بس آني هديته شوي
عبد الكريم ودلوك إيه الحل 
ادهم مفيش قدامنا حل يا بوي غير أننا نبلغهم بالقرار ديه وربنا يسلم بقي من اللي مستخبي
عبد الكريم عليه العوض ومنه العوض هتحدت ويا العمدة واحدد معاه معاد
ادهم خير يا بوي بإذن الله
انتهي ادهم من الحديث مع عبد الكريم وخرج ليجد رحمه انصرفت لمنزلها فدلف بهدوء لغرفته واخرج هاتفه واجري مكالمة هاتفيه
ألو كيفك يا بيه 
..... اهلا وسهلا آني بخير مين معاي 
..... آني ادهم القناوي
...... اهلا ادهم بيه خير انشاله 
...... ان شاء الله خير بس اما نتقابلوا ونقعدوا مع بعض شوي ونشوفوا هيكون خير ولا حاچه تانيه
..... شكل الموضوع كبير ماشي مېتا نتقابلوا 
..... الساعه دلوك سبعه هقابلك بعد ساعة حدا النيل عند القصر القديم بس انت عارف أني مهقدرش انزل انت تآچي وتلاقيني مستنيك ف العربية هما كلمتين هنقولوهم ونتوكلوا علي الله
..... ان شاء الله هچيلك في المعاد سلامو عليكو
..... عليكم السلام
____________________
حنين بإبتسامتها المعهودة دلفت للغرفة متسائله هو حبيبي هيفضل مشغول عني طول اليوم كده ولا ايه 
ادهم وديه ينفع يعني تعالي چاري
اقتربت منه فتحدث إليها قائلا آني مهمي انشغل عنك قلبي دايما معاكي وبيناديكي آني كنت هعمل مكالمة مهمه ولسه هنادي عليكي
حنين خير يا قلبي جعان اجبلك اكل او اعملك حاجة تشربها انت من بدري مأكلتش حاجه ومعاد الدوا قرب
ابتسم ادهم قائلا والله ما ليا نفس دلوك بس اوعدك أما ارچع من المشوار اللي هعمله بعد شوي هآكل واشرب واعمل كل اللي انتي عوزاه بس يالا چهزيلي هدومي خليني اقوم
حنين بفزع تخرج !!
تخرج ازاي وانت لسه مخفتش وبعدين هتخرج تروح فين دلوقت
ادهم بالراحه يا حبيبتي ديه مشوار ساعه واحده وراچع طوالي وبعدين معاي عبده وانتي عارفه الشغل محدش هيقوله لاه لو معملتش اللي مطلوب مني محدش هيعمله والشغل هيوقف
سكتت حنين ونظرت لأسفل
رفع ادهم وجهها ونظر إليها بشوق قائلا اشتقت لعيونك والله متقلقيش اوعدك هرچع طوالي وچهزيلي حاچه حلوه من يدك علي ما ارچع
اقترب منها وهمس لها هنسهروا سوا متقلقيش علي
ابتسمت قائله ماشي هستناك بس اوعدني هتآخد بالك علي نفسك ومتتأخرش عليا
رفع يدها وقبلها قائلا اوعدك بس يالا عشان متأخرش علي معادي
حنين امري لله حاضر حالا اهوه
_____________________
ابراهيم مساءك جنه
وردة من خلف الهاتف تبتسم مساء النور
ابراهيم كيفك النهارده 
وردة زينة الحمد لله وانت
ابراهيم آني متوحشك قوي قوي
وردة هاه بتقول إيه
ابراهيم إيه اللي بقوله غريب بقول وحشتيني قوي ومستني بكره يآچي واشوفك کرهت يوم الاچازة عشان بيبعدني عنك
وردة قد أكده هتحبني 
ابراهيم آني اول مره اعرف طعم العشق وعلي يدك انتي عشان اكده آني فرحان وحاسس برضا ربنا علي بس لازمن تعرفي أني هغير ومحبش اشوفك واقفه ويا حد من الولد في الچامعه يعني كفايه هيچمعنا المدرچ وخلاص انما بعد المحاضرات لاه
وردة طيب وليه متعصب اكده انت عارف اني مهقفش مع حد منيهم إلا للشديد القوي
ابراهيم لاه بردو الشديد ديه كان قبل ما تعرفيني انما دلوك الحال اتغير وآني موچود أي شي تحتاچيه آني هعمله ماشي اتفقنا
وردة خلاص اتفقنا
جلس هشام بجانب همسه علي الفراش يحتضنها فإرتكزت علي كتفه وتأبطت ذراعه تشاهد معه الهاتف بدأ هشام يتصفح مواقع التواصل الاجتماعي إلي أن مل التصفح ففتح تطبيق آخر يشاهد بعض الڨيديوهات عن إلقاء الشعر وشاهدوا معا ڨيديو للإنشاد الديني