رواية خطى المشاعر
حسيتك زهقان ومخڼوق ونفسك تتحدت ويا حد فمحبيتش اسيبك وحدك يارب تكون ارتحت اما اتحدت معاي
ابراهيم بإبتسامة كتر خيرك انك فضلتي وياي الحمد لله آني ارتحت كتير وعندك حق في اللي قولتيه
وردة طيب ممكن اطلب صغير واتمني متكسفنيش
ابراهيم ما عاش اللي يكسفك اتفضلي تحت امرك
وردة بتردد ممكن
ابراهيم هاه
وردة ممكن آخد رقم تليفونك لچل ما اطمن عليك
وردة بسعادة ظهرت علي وجهها آني متشكره جدا وهبقي اتصل اطمن عليك
ابراهيم آني اللي المفروض اتشكرك
_____________________
عبد الكريم هاه يا ادهم يا ولدي هنعملوا ايه مع بدر وبته واد عمك رافض چواز البت من انيس واد التهامي الحل إيه دلوك
ادهم سيب الموضوع ديه عليا يا بوي اني هتحدت وياه وان شاء الله ربنا يچيب الخير من عنده وبعدين احنا مستغربين من بدر ليه يا بوي هو حد فينا كان موافق اصلا علي چواز البت بالطريقة دي والاكيد ان هيا كمان هترفض بس هنعملوا اللي علينا والأخير هنبلغوا العمدة وانيس ان مفيش حدانا بنات للچواز
ادهم حاضر يا بوي هتصل بيه يآچي وهتحدت وياه
أحمد ألو كيفه القمر انشاله زين
زينة بضحكتها المعتادة الحمد لله آني زينة وذي الفل وسحبت الفلوس وخلصتها كلاتها
أحمد فداكي مال الدنيا كلاتها بكره الصبح يكون حداكي غيرهم بس انتي تكوني مبسوطه ومش ناقصك شي
أحمد عيونه وقلبه ملك ايديكي
زينة بدلال اتوحشتك قوي انت مېتا هتنزل أچازة
أحمد يا بوووووي والله آني اللي وحشني قلبي اللي مهملني ودايما وياكي نفسي اشوفك لچل ما يرد موطرحه من تاني ويطمن انك بقيت وياه علي طول هانت يا حبيبتي ان شاء الله هنزل قريب قوي يمكن بعد اسبوعين انزلك
احمد كلامك ديه هيخليني اقفل السكة واچيلك حالا
ضحكت زينة ياريت ولا اقولك يالا روح شوف شغلك متعطلش حالك اكتر من اكده بالسلامة يا قلبي وخلي بالك علي روحك
احمد ايه قوليها تاني اكده
زينة قلبي وعقلي وحياتي وسندي من دنيتي وعوض ربي ليا وضي عيوني
احمد باااااس حلو قوي لحد اكده اروح بقي اكمل شغل وآني نفسي مفتوحه يالا يا حبيبتي خلي بالك علي روحك ولو احتاچتي لشي اتصلي بيا علي طول وآني هتصرف
___________________
ادهم ألو كيفك يا واد عمي
بدر بحنق الحمد لله يا واد عمي بس آني مش كويس حاسس اني برمي بتي في الڼار بيدي
ادهم ليه بس يا واد عمي كل ديه انيس سمعته سبقاه ومحدش قال انه وحش وكل الناس هتشكر فيه وفي معاملته الزينة في شغله خلينا نتحدتوا ويا البت ونعرفوا رأيها لاول ولو رفضت يبقي انتهي الموضوع ونقولوا لاه وخلاص
ادهم يا واد عمي مهنسبقش الاحداث خلينا بس نشوفوا رأي البت حسب شرع ربنا وبعد اكده نرفضوا
بدر طيب اتحدت انت وياها آني هبعتهالك مع السواق حالا
ادهم وآني مستنيها سلام
بعد اقل من ساعة وصلت رحمة لڤيلا عبد الكريم وبعد أن سلمت علي الجميع استأذنت لتطمئن علي ادهم
طرقت الباب بخفه فأجابها تعالي يا رحمه يا بتي ادخلي
دلفت بهدوء واقتربت منه لتطمئن عليه كيفك يا خال دلوك انشاله احسن من لاول
ادهم الحمد لله يا بت اختي آني بخير في موضوع لازمن اتحدت وياكي فيه
رحمه اتفضل يا خال خير انشاله آني سمعاك
ادهم أنتي طبعا عارفه الصلح اللي تم بين عيلتنا وعيلة التهامي وبعد ما تم چيه الظابط انيس واد التهامي وطلب يدك وأحنا مهنغصبوش عليكي في شي لاول لازمن تعرفي ان ابوكي مش موافق ومحدش فينا كلاتنا موافق
رحمه طيب واما انتوا كلكم مش موافقين هتتحدت وياي دلوك ليه يا خال
ادهم لاه يا بت اختي حقك تعرفي وتقولي رأيك ديه شرع ربنا الچواز عرض وطلب ويا نوافقوا يا نرفضوا
رحمه وانتوا ليه رافضين هو وحش قوي اكده
ادهم بالعكس انيس محترم وسيرته طيبه بين الناس وفي شغله وعشان اكده تم الصلح لانه مش هو اللي وز علي القتل ديه خاله
رحمه اه طيب واما هو سيرته طيبه ليه رافضينه
ادهم شوفي يا بتي بقي انيس مچاش لوحده يخطبك ذي اي عريس بيتقدم يتچوز بت ناس تعمر داره انما چيه لچل ما نوقفوا بحور الډم اللي كانت هتتفتح وطبعا لازمن يبين حسن النية ويكون في چواز بين العيلتين وعشان اكده احنا خايفين يفتري عليكي بعد الچواز ويبهدلك ووقتها هتكوني مرته ومحدش ليه حكم في الموضوع ديه بس ابوكي والله لو عرف انه عمل فيكي
