رواية خطى المشاعر من الفصل السادس والعشرين إلى الفصل الثلاثين

ويقبلها معتذرا آني آسف معرفش ليه عملت أكده رغم اني وعدتك أني مش هغصبك علي شي بس والله مهعملش أكده تاني سامحيني
سقطت دموعها متسائله امك ليه هتكرهني أكده 
ضمھا لصدره ليربت علي كتفها قائلا حقك علي بس هيا زعلانه كان نفسها تچوزني واحدة تختارها هيا انما احساسها اني مڠصوب عل الچواز ديه مأذيها رغم اني مش متأذي بالعكس آني فرحت اما شوفتك آني من وقت ما شوفتك في المستشفي وانتي سړقتي قلبي مني وقتها مكنتش اعرف انتي مين ولا بت مين ومشيت ومهتمتش ادور عليكي بس كنتي هتطلعيلي كل يوم ف المنام
رحمة شردت فيما سمعته منه وقالت وآني كمان من وقت ما شوفتك .........
استفاقت علي صوت نرجس تنادي انتي يا عروسه كنك فاكره علي رچليكي نقش الحنة وهتفضلي قاعده عيندك كتير يالا انزلي البيت عاوز يتنضف چيينا ضيوف علي الغدا
ابتعدت رحمه حين سمعت صوتها
انيس الله يسامحك ياما رحمه كملي انتي ايه
رحمه لاه مفيش آني لازمن انزل اساعدها منقصانش تسمعني كلمتين علي الصبح
انيس طب طلعيلي غيار نضيف ولا نسيتي الدوا اللي وقع علي
رحمه حاضر هچهزلك الحمام حالا
جهزت رحمة ملابسه وتركته لتساعد نرجس وبعد مرور الوقت خرج انيس ليسمع نرجس ترفع صوتها قائله كنك مشيفاش التراب مالي الارض لو محتاچه نضاره نعملولك يالا همي الضيوف علي وصول
التزمت رحمة الصمت واستكملت مساعدتها وقد اغرقت الدموع وجنتيها وبعد ان انتهت صعدت لغرفتها تتناول ملابس نضيفه واذا بأنيس يقف خلفها ويضمها ويقبل جبينها قائلا آني سمعت كلام امي وزعيقها معاكي حقك علي متزعليش منيها امي ست كبيرة وآني بس اخف وهتحدت وياها
هربت الدموع من بين اهدابها قائله بصوت مرتعش الله يشفيك ويعافيك
دقق انيس النظر في عينيها وهمس لها حد قالك قبل اكده ان عيونك حلوين وحرام العيون الحلوه تبكي ابتسمت رحمة فجفف دموعها واردف يالا كفايه بكي وروحي غيري وتعالي ارتاحي شوي
رحمة حاضر اخدت الدوا 
انيس اخدته متعوليش همي
__________________
احمد عاد ليتصل بهشام أيوه يا صاحبي المعاد الساعه عشرة بالليل ان شاء الله
هشام وليه متأخر أكده هنروحوا بيوت الحريم بالليل ايه الغلب ديه ماله عمها كنه اتچن ولا ايه 
احمد معلش خلينا وراه اما نشوفوا آخرتها ايه هو قال عنديه مشوار شغل هيخلصه لاول ويرچع عليهم
هشام ماشي هعدي عليك ونروحوا سوا
____________________
ابراهيم كيفه القمر مشتاقين
وردة الحمد لله آني كويسه وانت كيفك 
ابراهيم آني حلو حلو قوي قوي
ضحكت وردة قائله أنت مالك النهارده حساك متغير شوي
ابراهيم لاه ممتغيرش ولا حاچه كل ما هنالك أن آخر بنات العيلة اتچوزت والحمد لله واطمنا عليها
وردة مبروك مش دي اللي اتچوزت بعد ما تم الصلح بينكم وبين عيلة التهامي
ابراهيم ايوه هيا عقبالك يا ست البنات أما تكوني في بيتي
وردة هو أنت لما تتچوز هتعيش فين يعني هتعيش ف ڤيلا چدك عبد الكريم ولا هتچيب دار لحالك
ابراهيم والله آني مهيفرقش معاي تعرفي ان مصطفي اخوي اما چيه يتچوز اختار عروسته من مصر واهلها رفضوا انها تعيش أهنه فأتنقل مصطفي وعاش هناك واشتغل كمان في مصر بس بني ڨيلا هناك وعايش فيها فآني بقي حسب ما اختار عندينا في بيت چدي كل واحد له اوضه كبيره قاعد فيها لحاله وممكن اتچوز فيهاايه رأيك موافقه ولا لاه 
وردة آني موافقه اعيش معاك في اي مكان انت تختاره اكيد اي مكان هتكون معاي فيه هيكون چنه
ابراهيم يا بووووووي تعال اسمع ولدك هيتحب ازاي طب آني بقي هتحدت ويا ابوي واخليه يتحدت ويا چدي ويبنيلي استراحه كامله في الارض القبليه اللي چار الڤيلا ونفتح بابها علي الڨيلا وكننا عايشين وياهم بس ف الليل نروحوا نناموا فيها ايه رأيك 
وردة طب أحنا هنتحدتوا في البيت وبنختاروا المكان اللي هنبوا فيه الاستراحه كمان من غير ما تآچي وتتقدم كننا خلاص اهلنا اتفقوا علي كل حاچه
ابراهيم ان شاء الله هيوافق ابوكي وهنتمموا علي طول وبعدين خلاص الكليه فاضل لها ايام وتخلص متقلقيش
______________________
احمد السلامو عليكو
عوض وعليكم السلام اتفضلوا يا زينه اعملي شاي للضيوف
زينه من خلف الستار حاضر يا عمي حالا اهه
احمد وليه شاي أحنا چايين في شربات ان شاء الله بقي