رواية خطى المشاعر من الفصل السادس والعشرين إلى الفصل الثلاثين

يا عمي آني چاي اطلب يد بتكم زينة علي سنة الله ورسوله
عوض بحنق كان بودنا يا استاذ بس معندناش بنات للچواز زينة هتتچوز واد عمها اخو المرحوم چوزها انت عارف سلو بلدنا اكده
احمد بصوت مرتفع سلو ايه وكلام فاضي ايه هو حاضرتك سألتها اذا كانت موافقه ولا لاه 
عوض أحنا معندناش بنات يقولوا لاه أحنا نختار وهيا
لامن توافق
اقټحمت زينه الغرفه وبصوت هادئ تحدثت شوف يا عمي بقي آني چوازتي الاولانيه من ولدك مكنتش عوزاها وابوي الله يرحمه رفض احمد لچل خاطر ولدك اللي مشوفتش معاه يوم حلو كان مطفحني الډم بحچه اني مهخلفش ومعرفتش ان العيب منيه غير وهو علي فراش المۏت كفايه ظلم بقي لحد اكده وارحموني يرحمكم ربنا واعتقوني لوچه الله الكريم سيبوني اتچوز واعيش باقي حياتي مع الانسان اللي شاريني يمكن ربنا يرزقني بحتة عيل افرح بيه
عوض بحنق وقد خبط عصاه علي الارض يعني ديه قولك يا بت اخوي 
زينة ايوه ديه قولي
عوض خلاص انتي اللي اختارتي ومن دلوك وطالع ملكيش عم اسمه عوض وآني مليش بنات اخ خلاص اخوي ماټ هو نسله
هشام لا حول ولا قوة الا بالله العلي العظيم استهدي
بالله بس يا عم عوض دي چوازه مهياش چنازه أحنا مش چايين نتعاركوا أحنا چايين نتمموا فرحة
زينة الله يرحم الچميع يا عمي بس كنت عاوزه افكرك ان اخوك ديه من وقت ما ماټ وانت مهتسألش عن نسله چاي دلوك تتشرط وتقول اوامر وعلينا التنفيذ لاه خلاص يا عمي كل واحد يختار الچنب اللي يريحه وينام عليه
عوض علي راحتك
تركهم وغادر البيت موصدا الباب خلفه بقوه
أحمد يالا با حاچه نقرأوا الفاتحه علي نية التمام ومعاوزكيش تقلقي من شي طول ما آني موچود انتي وزينه چوا عيوني
ام زينة تسلم عيونك يا ولدي وربنا يكفيك شرهم
انيس شاهد رحمه تفترش الغطاء علي الصوفا لتستلقي عليه فتحدث إليها آمرا رحمه تعالي أهنه
تحركت ببطئ شديد واقتربت منه لتجلس بجواره قائله نعم محتاچ حاچة قبل ما انام
انيس تعالي نامي هنه في فرشتك وآني هقوم انام هناك
رحمه بفزع لاه انت لساك تعبان خليك أهنه دفيان
انيس بهدوء رحمة انتي خاېفه مني كرهاني ومش عاوزه تعيشي معاي قوليلي الحقيقة آني عارف انك مغصوبه علي الچوازة صارحيني ومټخافيش اللي هتقوليه محدش هيعرفه غيري
رحمه آني محدش غصبني علي الچواز اهلي عرضوا علي الموضوع وهملوني افكر وآني وافقت ومن غير ضغط من حد وعلي فكره اللي متعرفهوش ان كلهم كانوا رافضين واستغربوا أني وافقت
ابتسم انيس قائلا طب الحمد لله وفرتي علينا كتير ولما انتي وافقتي علي ليه خاېفه مني ليه بتبعدي كلما اقربلك 
رحمه عاوز تعرف ليه 
انيس ايوه طبعا عاوز اعرف يالا قوليلي ليه