قصة بقلم آيه عيسى

_ يابنتي كفاية صدعتينيده إحنا من ساعة ما قعدنا و انتي مفيش غير سيرته كفاية
_ يا وردة بقولك صعيدي صعييييدي.
_ أيوة والله عرفت أنه صعيدي و أنه قمر و انك شوية و هتروحي تطلبي ايده ب نفسك وقطعتها
_ طاب قوليلي يا وردة اعمل إيه 
_قدس يا حبيبتي جايز ده كله مجرد إعجاب أصلا ده ملهوش 3 شهور ناقل جديد أمتي لحقتي تحبيه 

_ ممكن يكون إعجاب وفطريقه للحب تعرفي انا كنت بكره العمارة جدا قبل ما يجي دلوقتي بقي مش عايزة أخرج من البيت بحس بونس كده أما اسمع باب شقته بيتقفل مطمنة لمجرد اني عارفة أنه ف الشقة اللي قصادنا يا وردة ده عليه جلبية صعيدي سودا كده بتجيبني سابع أرض انتي بتقولي ايه بس 
ضحكت
_ المشكلة أنه مش معبرك يابنتي اصلا
_ انتي شايفة الصخرة اللي هناك دي هو اتقل منها صعيدي بقي هنقول ايه.
_ قدس يا حبيبتي أنتي الروايات لحست دماغك و حبك لأبطال الروايات خلاكي تشوفي اي حد حلو أنه هو ده البطل اللي انتي متخيلاه بس الواقع مش كده
_ هشش اخرسي يا زفتة متفوقنيش سيبيني لحد ما اټصدم و ساعتها هفوق لوحدي و يالا بقي أنا هقوم علشان اتأخرت
ضحكت بخبث
_ اتأخرتي ع ايه
_ ع صعيدي قلبي طبعا انتي بتسألي أسئلة غير منطقية.
___
وصلت العمارة و لسه بفتح الباب لقيته واقف مستني الأسانسير..
ده لو ظابط معاده ع معادي مش هنتقابل كده وبعدين ايه ده يابني يخربيت الهيبة اللي انت فيها يابني هتاخد قلبي كام مرة تاني
قربت و انا مبتسمة 
_ مساء الخير
بصلي بطرف عينه
_ مساء النور
_ إحم هو الأسانسير متعطل ولا ايه
_ معرفش 
دبش اوي يخربيتك..
_ طيب هو 
قاطعني 
_ انتي هتصدعيني إياك بطلي حديت دماغي ۏجعاني
و فجأة لقيته بيبصلي من تحت ل فوق و كأنه بيستحقرني كده 
_ وبعدين ايه لبسك المايع ده إزاي تطلعي من بيتكم بالشكل المقرف ده
ايه ده هو بيغير بيغير عليا معقول ! أنت بس انطق و انا هلبس نقاب يا صعيدي القلب يا قمر أنت
اتصنعت الصدمة 
_ نعم ماله لبسي إن شاء الله
_ وه مخبراش ماله لبسك عاد ده بنطلونك اضيق من بنطلوني ده احنا حدانا ف الصعيد مش بيطلعوا غير ب العبايات الواسعة لأجل محدش يلمح طرف الواحدة لكن اهنه استغفر الله
حبيت استفزه 
_ أيوة انا مش صعيدية وبعدين انت مالك ب لبسي كنت أبويا ولا اخويا ولا جوزي
_ لا بس لما أشوف الغلط واجبي اني أنصح ده اللي اتعلمناه ف بلادنا
ياربي ع ردوده اللي حاضرة دايما دي بيعرف يضبط أعصابه جدا و محدش يقدر ياخد منه كلمة! 
ده بدل ما يقولي ب اعتبار ما سوف يكون او يقولي جوزك لكن ماشاء الله حجر متحجر.
بصيتله ببرود
_ طيب متشكرة ع النصيحة الجميلة دي يا حضرة المهندسو يالا بقي عن إذنك .
طلعت و سيبته و انا بغلي رميت شنطتي ع السرير و فضلت رايحة جاية ف الأوضة بكلم نفسي 
_ بقي انا لبسي مايع و شكلي مقرف يعني معني كده اني مش عاجباه ولا عمره هيفكر فيا حتي لا يا بابا ما أنا مش بعد ما حبيتك اسيبك ل واحدة صعيدية تاخدك مني كده ده انا من بكره اتحولك ل اجدعها صعيدية آه.
___
تاني يوم  
_ قدس انتي بتعملي ايه
_ بس يا زفتة متصدعنيش و دوري معايا وانتي ساكتة
_ يعني هتغيري استايل لبسك علشانه
_ آه هغيره و بعدين انا أصلا من زمان كنت ناوية ع الخطوة دي و دلوقتي جه الوقت اخدها
_ لا ده انتي مش بس معجبة ده انتي مغرمة كمان 
_ و والله يابنتي مش عايزة إلا هو
ضحكت 
_ طيب ايه رأيك ف الدريس الأزرق ده 
_ جميل صحيح أبقي فكريني اجيب كام عباية سودا كمان
بصتلي پصدمة 
_ إيه 
_ ما قولنا مغرمة و مش عايزة إلا هو بقي.
_ بس ياقدس انتي كده بتخسري نفسك و بتفقدي شخصيتك
_ نفسي لو كانت غلط يا وردة اخسرها انتي عارفة أنا من زمان مترددة و خاېفة من خطوة اني اسيب البنطلونات دي و كل شوية بأجلها بس حسيت أن