قصة بقلم آيه عيسى

كلام مالك ليا و تعليقه ع لبسي كان إشارة من ربنا و كأنه بيقولي كملي و خودي الخطوة متضعفيش جاتلي من طرف انا بحبه و كلامه بيؤثر فيا و أنا بصراحة ممتنة اوي ل كلام مالك و حبه زاد ف قلبي أوي بعد اللي حصل.
_ يعني ياقدس لو أي حاجة ف شخصيتك مش عاجبة مالك هتغيريها 
_ لو انا شايفة ان الحاجة دي مترضيش ربنا أيوة هغيرها مش بفقد شخصيتي يا وردة ع قد ما ببني شخصية جديدة قريبة من ربنا و بتحاول ترضيه
ابتسمت و حضنتني 
_ انا بجد فرحانة ب التغيير اللي حصلك ده اوي و قريب انا كمان هبطل البنطلونات زيك بس مش ملاحظة أننا بنحكي عن مالك و كأنه بقي جوزك خلاص و هو اصلا ولا يعرف حاجة
_ يابنتي ركعتين قيام ف نص الليل يجيبوه قدام بيتي ب ورد و شوكولاتة كمان انتي بتقولي ايه بس 
ضحكت 
_ أنا بقول نروح نشوف العبايات السودا بقي بدل ما ننسي
___
كنت قاعدة ف اوضتي ملانة و كالعادة لما بحس بملل لازم اكل و أطلع كل زهقي ف الاكل قومت و لبست العباية السودا بتاعتي و عليها طرحة من نفس اللون 
_ ماما انا نازلة اشتري شوكولاتة و بيبسي من السوبر ماركت
_ ما انتي لسه شاريه أول إمبارح يابنتي 
_خلصوا يا ماما خلصوا ايه هنقطع ع بعض ولا ايه 
_ خلاص روحي ياختي و هاتي كمية بالمرة و متتاخريش.
_ حاضر يا ست الكل
فتحت الباب لقيت باب شقة مالك مفتوح و شوية و جه من جوه والظاهر أنه نازل هو كمان
بصلي بسرعة و لف وشه
_ السلآم عليكم
_ و عليكم السلام
و لسه مكملتش كلامي لقيته فتح الأسانسير و نزل
قلة الذوق واخدة حقها معاه ماشاء الله ده حتي مقاليش مبروك ع العباية الجديدة الحلوة بس فالح يعلق ع لبسي.
نزلت ع السلم و بفتح باب العمارة لقيته واقف قدامه
رجعت لورا من الخضه
_ بسم الله الرحمن الرحيم 
رفع حاجبه
_ ايه شوفتي عفريت إياك 
اتوترت 
_ ل ا لا بس مكنتش فاكرة انه في حد قدام الباب
_ ولما انتي پتخافي قوي اكده نازلة وحدك ليه بالليل
_ أنا رايحة السوبر ماركت اللي ف آخر الشارع هنا و بعدين لسه الساعة 10 
بصلي بصة غريبة صعيدية ف نفسها كده 
_ الساعة 10 دي المفروض تكوني فيها ف بيتك يا هانم مش نازلة رايحة السوبر ماركت
يخربيت العرق الصعيدي اللي فيك يا بني قمر اوي ف نفسه وهو طويل و صعيدي و له هيبة كده.
فوقت ع صوته
_ خشي يالا
بصيتله بعصبية
_ هو ايه اللي خشي بقولك عايزة اشتري حاجات
حسيت عنيه بتطلع ڼار
_ حسك ده توطيه و انتي مع تتحددتي سامعة 
و فجأة لقيت لساني بيتحول و كأني صعيدية 
_ وه مع تزعق فيا ليه عاد
لقيته بيضحك ياختااااي ! ياريتك ما ضحكت يعني مش كفاية انك صعيدي و قمر و تقيل و وأخد قلبي كله و كمان بتضحك و ضحكتك أصلا عسل ب القشطة! ما كفاية بقي كده هتاخد كل اعضائي.
لقيتني بضحك ع ضحكته زي الهبلة و بسرعة مسح ب ايده ع وشه و رجع لجديته تاني
_ خلصي قولي عايزة إيه و أنا هروح اجيب
_ بس 
قاطعني 
_ ما تعدي اليوم عاد
_طيب بس انا عايزة أروح علشان عايزة أنواع معينة 
نفخ ب نفاذ صبر 
_ أنواع معينة من ايه 
بصيتله ببراءة
_ من الشوكولاته
بصلي و هوع آخره _ نعم ياختي 
_ ايه في إيه  
_ يعني نازلة الساعة 10 بالليل وحدك علشان عايزة زفت ده دلع كتير قوي ده.
_ أنا بحبهم يعني اعمل ايه و بعدين ايه معندكش اي فكرة عن الحاجات اللي بتحبها البنات واللي منهم الشوكولاته
_ لاءه و معايزش يبقي عندي فكرة ده ايه الحديت الماسخ ده! 
بصيتله بزعل
_ طيب ماشي شكرا عن إذنك 
زعق
_ قولت هروح أنا ما تعصبنيش عاد
بصيتله پخوف
_ طيب عايزة كيت كات و ديري ميلك و بابلي و بيبسي.
_ صبرني يارب ع دلع البنات ده طاب خشي و انا رايح أجيب
_ طيب الفلوس
اداني ضهره
_ خليهملك.
ياخي يخربيت الشهامة و الجمال الصعيدي ده خود