قصة بقلم آيه عيسى
قلبي اهو يا بني و والله ما اهو راجع .
___
عدت فترة مكنتش بشوفه فيها و عرفت من بابا إنه نزل بلده زعلت جدا وفكرت انه خلاص مش جاي تاني بس هو شغله هنا و مينفعش يسيبه أكيد نزل إجازة بس و جاي وبالفعل بعد يومين سمعت باب شقته بيتفتح كنت ھموت وافتح الباب و أشوفه و من حظي الحلو لقيت بابا بيخبط جريت ع الباب علشان افتحه لقيت بابا بيسلم ع مالك و في ناس تاني معاه كده كانت ست كبيرة لابسه عباية سودا تشبه ل مالك و راجل ف سن بابا و واقفين بيتكلموا
_ شكرا يا عمي مفيش داعي ربنا يخليك
و فجأة لقيت بابا بيبصلي
_ تعالي يا قدس يا حبيبتي سلمي ع أهل مالك
كنت واقفة محرجة و انا حاسة أنه نظراتهم كلهم عليا
قربت مني والدته و لقيتها بتسلم عليا و بتحضني
ابتسمت
_ الحمد لله يا خالتو و حضرتك عامله ايه
_ بخير يا بتي الحمد لله
و بعد ما سلمت عليهم كل واحد رجع ل شقته و أنا دخلت اوضتي و أنا عمالة أفكر هما أهل مالك جم ليه معاه المرة دي
و جالي الجواب ل سؤالي بعد يومين اللي كان بمثابة صدمة و هو إن مالك طالب إيدي !
_ وردة انا تقريبا طايرة من الفرحة .
ضحكت
_ انا لسه لحد دلوقتي مش مصدقة بقي الصعيدي التقيل وقع ف بنت البندر القمر !
_ كنت حاسة أنه ربنا مش هيخيب ظني والله دعيت بيه كتير و اهو جه
_ مينفعش ابقي مدلوقة كده يقول عليا ايه كنت مستنية! انا هصلي استخارة الأول و بعدين هرد خصوصا أنه بابا قالي أنه عايز كتب كتاب ع طول.
_ لا ده مستعجل أوي بقي.
_ والله إن جينا للحق ف انا مستعجلة اكتر منه
ضحكت بصوت عالي
_ لا دي انا متأكدة منها هو انتي هتقوليلي
صليت استخارة و كنت حاسة ب راحة نفسية كبيرة جدا.
هو تقريبا لما بنحب القلب مش بيبقي شايف قدامه غير الشخص اللي بيحبه وبس و ده كان حالي و احنا بنكتب الكتاب مكنتش شايفه غير مالك قدامي و هو حاطط ايده ف ايد بابا وبس .
خلصوا و جت والدة مالك القمر دي و حضنتني
_ الف مبروك يا زينة العرايس.
كملت و هي ماسكة أيدي
_ ولدي مالك حطيه ف عيونك يا بتي ده اغلي حاجة ف حياتي و أمانة أوعي تزعليه علشان والله هو روحه فيكي.
اټصدمت من اخر جملة قالتها !!
ابتسمت و مسكت ايدها و بوستها
_ متقلقيش يا ست الكل أبنك ف قلبي و جوه عيوني
ابتسمت جدا و رجعت حضنتني
_ ربنا يبارك فيكم يابتي و يجعل حياتكم كلها هنا و سعادة يارب.
و بعد شوية كلهم خرجوا و فضلنا انا و هو لوحدنا
كانت عنيا ف الأرض لحد ما سمعت جملته
_ وه مكسوفة مني إياك
بصيتله
_ و متكسفش ليه
_ اومال لسانك الطويل راح فين
بصيتله بضيق
_ هي دي ألف مبروك بتاعتك!
ضحك
_ لاءه الف مبروك بتاعتي حاجة تانية ..
مكملش جملته و لقيته بيحضني
_ الف مبروك يا حبة القلب من جوه.
اتجمدت من كلامه انا حبة القلب و قلب مين قلب الصعيدي القمر!
بصيتله ببلاهه
_ إيه
ابتسم
_ فاكراني موقعش إياك لأ ده انا واقع من زمان قوي.
مسك ايدي و كمل
_ فاكراني كنت بعاملك اكده ليه علشان مش طايقك مثلا لاه بس انا كان لازم اعمل إكده لو مغضيتش بصري و اتعاملت معاكي ب صرامة كان يمكن ضيعتك مني و مكنتش اهنه دلوك
_ ياه ده انتي مدكن
