رواية خطى المشاعر من الفصل السادس إلى الفصل العاشر

لحد دلوك وهشام قلقان عليكي اتصل علي تلافونك لقاه مقفول قومي شوفيه ويالا لچل ما تآكلي لقمه العصر اذن من بدري
اسرعت همسه تلتقط هاتفها بفزع هشام اتصل بيا 
اووووف التليفون فصل شحن وانا مأخدتش بالي نمت وكنت فاكره انه شغال انا هشحنه شويه وهتصل بيه
فضه وليه تستني اما يشحن خودي تلافوني اهه اتكلمي منيه ذي ما تحبي بس يالا قومي وانزلي لچل ما تآكلي
همسه حاضر يا عمتو هكلم هشام وانزل علي طول
تركتها فضه واوصدت الباب خلفها واتصلت همسه بهشام ألو وحشتني اوي اوي يا حبيبي
هشام والله قلقتيني عليكي يا همستي ليه قافله تليفونك وليه نايمه لحد دلوك في حاچه وچعاكي 
همسه لا يا حبيبي انا كويسه بس طلعت نمت بعد ما انت مشيت ونسيت اشوف التليفون ففصل شحن وعمتو صحتني دلوقت وهنزل علشان آكل
هشام واه واه انتي لسه مأكلتيش لحد دلوك طيب لو مأكلتيش آني هتأخر وهخلص براحتي طالما انتي هتهملي ف حالك
همسه لا لا هشام هنزل آكل حالا بس انت تعالي بسرعه علشاني
هشام حاضر بس يالا وهسأل عمتك عليكي اذا اكلتي ولا لاه
_____________________
مصطفي يا اهل الدار فينكم اتوحشتكم
جميلة اهلا يا ولدي نورت دارك حمدلله علي سلامتك كيفك وكيف احوالك وخطيبتك عامله ايه وياك 
مصطفي الحمد لله ياما كله تمام وخطيبتي زينه وخلصت الڤيلا وناقص الفرش ونبقوا خلصنا هروح اسلم علي چدي وچدتي وراچع طوالي إلا بالحق ياما فين ابوي وابراهيم
جميلة ابوك مع العمال في الارض وهيرچع بالليل يا ولدي وابراهيم انت عارف دايما لوحده بيذاكر او في الچامعه
مصطفي طيب الله يقويه
تركها ودلفت للمضيفه سلم علي جده وجدته وقبل يدهم ثم عاد للخارج
فضة اهلا يا ولدي حمدلله علي سلامتك يالا جابر الزاد مع بت عمك همسه نازله حالا تآكل اهه نزلت تعالوا كلوا سوا حتي تفتحوا نفس بعض
همسه ايه ده مصطفي هنا حمدلله علي سلامتك وحشتني اوي يا واد انت امتي هتتجوز بقي 
مصطفي الله يسلمك يا بت عمي تعالوا نآكلوا ونرغوا شوي جلسوا متجاورين وتهامسوا وسام هتسلم عليكي كتير والله اني متحمل بس امها لچل خاطرها هي انما والله لو اي واحدة تانيه كان زماني سيبتها من زمان الوليه عوزاتي اقولها تنت ولا مخبرش ايه اللي هتقوله ديه ازاي اقف قدام الناس واقولها تنت ولا تنتي اللي عوزاني اقولهالها دي هما الناس دول مهيتكسفوش
ضحكت همسه علي طريقه مصطفي قائله يا ابتي اسمهت طنط مش تنت وبعدين دول عايشين في مجتمع راقي ووالدتها سيدة مجتمعات بتقابل ناس كتير وبتروح نوادي وبتسهر برا البيت وبيتروح سينمات وبتحضر مؤتمرات وحاجات كتير فلغتهم دي حاجه بيسموها لزوم الاتيكيت يعني انهم يجملوا كلامهم ويزوقوه المهم انت متهتمش للكلام ده ومتعملش مشكله معاها علشان متكونش هيا سبب في ان الجوازه تتفشكل انت عارف ان وسام بتحبك ووقفت ضد رغبة والدتها انها تتجوز اي حد من وسطها واتمسكت بيك فالبنت شرياك
مصطفي حاضر ما هو ده اللي انا بعمله سيبك مني وطمنيني انتي وهشام عاملين ايه مع بعض مبسوطين صحيح هو فين 
همسه احنا الحمد لله كويسين جدا ومبسوطين جدا مع بعض وهو طبعا نزل الشغل من بعد ما رجعنا من السفر بيومين وهو دلوقت مسافر مطروح يومين وان شاء الله هيرجع بعد بكره حاسه ان الكام ساعه اللي سبني فيهم كأنهم سنين حاسه قلبي مش في مكانه او ان روحي سايبني جسمي وراحت وراه يالا مضطره اتحمل لحد اما اليومين يخلصوا
______________________
مر اليوم الاول علي همسه وكأنه سنه وفي صباح اليوم التاني
حنين همسه يا حبيبتي تعالي اشربي اللبن يالا قبل ما يبرد
همسه حاضر يا ماما مع ان مليش نفس اشرب حاجه هشام وحشني اوي اوي يا ماما امتي يرجع بقي
حنين بحنانها المعهود اقتربت تربت عليها واحتضنتها قائله اتحملي يا حبيبتي معلش ده علشان انتي اول مره يسيبك ويسافر وانتوا متجوزين بس ان شاء الله هيرجعلك بالسلامة وبكره تتعودي علي شغله يالا بقي كملي فطارك ولو مش جعانه كلي فاكهه واشربي اللبن علشان اما يرجع ميلاقيش وشك دبلان
همسه حاضر يا ماما امري لله هآكل علشان خاطرك وخاطر هشام
____________________
قسمة يا رحمة يا بتي يالا بسرعة ألبسي ياسين چوز اختك اتصل وقال اختك تعبانه وراحت المستشفي شكلها هتولد
رحمة حاضر ياما خاضر اهه هلبس بسرعة 
قسمة اتصلي بخالتك وابوكي وقوليلهم
رحمة حاضر ياما هتصل بس روحي انتي البسي خلينا نلحقها
اسرعت رحمة ترتدي ملابسها واتصلت وابلغت فضه ووالدها هاتفيا بأنهم متوجهين للمستشفي للاطمئنان علي تقي
___________________
فضة يا مصطفي تعال يا ولدي تقي هتولد وراحت تعال وياي وصلني عبده راح ويا عمك علي الشغل
مصطفي حاضر يا عمتي چيتك اهه يالا آني هخرچ اطلع العربية من الجراچ لحد اما تچهزي
فضه الله يراضي قلبك يا واد اخوي واشوف عوضك
حنين طيب استني هلبس واتصل بأدهم وآجي معاكي انا